Mga Pahibalo

◼ Tanyag nga literatura sa Abril ug Mayo: Indibiduwal nga mga kopya sa Ang Bantayanang Torre ug Pagmata! Kon sa mga balikduaw makita ang interes, ang mga suskrisyon mahimong itanyag. Pakuhaa ang interesadong mga tawo sa librong Kahibalo o brosyur nga Gikinahanglan, ug panlimbasogi ang pagsugod ug mga pagtuon sa Bibliya sa balay. Hunyo: Ang librong Kahibalo o ang brosyur nga Gikinahanglan uban sa paningkamot nga makasugod ug mga pagtuon sa Bibliya sa balay. Hulyo ug Agosto: Bisan hain sa mga brosyur mahimong itanyag. Apan, sanglit ang bag-ong brosyur, Ikaw Mahimong Higala sa Diyos!, di pa dugayng giluwatan, maayo nga ilakip kini sa imong tanyag.

◼ Ang 2000 Watchtower ug Awake! nga mga tomo sa di madugay mabatonan na ug mahimo na karong orderon. Apan, ibutang sa hunahuna nga kini maoy mga special-request item ug angayng orderon lamang sa dihang adunay espesipikong hangyo gikan sa mga magmamantala alang niini. Kon ang mga tomo wala pa moabot sa dihang ang mga order madawat, kini ipakita ingong “back-ordered” ug ang mga tomo ipadala kaninyo sa dihang madawat na kini gikan sa Brooklyn.

◼ Sa dihang magsangyaw sa hilit nga mga dapit sa inyong teritoryo sulod sa ting-init nga mga bulan, labing maayo nga itanyag ang librong Kahibalo o ang brosyur nga Gikinahanglan. Ang tanan angayng magdala ug lainlaing mga tract alang niadtong wala sa balay o alang sa mga indibiduwal nga dili mokuhag literatura. Ang mga paningkamot angayng himoon sa pagpaloap sa interes nga makaplagan human niana.

◼ Ang mga sekretaryo sa kongregasyon kinahanglang kanunayng maghupot ug igoigong suplay sa mga porma nga Application for Regular Pioneer Service (S-205) ug Application for Auxiliary Pioneer Service (S-205b). Mahimo kining orderon diha sa Literature Request Form (S-14). Pagtipig ug labing menos usa ka tuig nga suplay. Sublia ang tanang porma sa aplikasyon sa regular payunir aron sa pagseguro nga kana bug-os napil-apan. Kon ang mga aplikante dili na makahinumdom sa eksaktong petsa sa ilang bawtismo, kinahanglang banabanaon nila ang petsa ug maghupot ug rekord niini.

◼ Sugod sa semana sa Hulyo 30, 2001, atong tun-an ang Tagna ni Isaias​—Kahayag Alang sa Tibuok Katawhan I diha sa Pagtuon sa Libro sa Kongregasyon.

◼ Bag-ong Cebuano ug Iloko nga mga Bibliya: Sumala sa gipahibalo sa di pa dugayng “Mga Magtutuman sa Pulong sa Diyos” Distritong mga Kombensiyon, ang Sosyedad malipay sa pagpahibalo sa tanang Cebuano ug Iloko nga mga kongregasyon nga ang New World Translation of the Holy Scriptures niining mga pinulongana mahimong orderon na karon gikan sa Sosyedad. Ang Iloko nga edisyon mahimong orderon dihadiha, samtang ang Cebuano nga edisyon mahimong orderon human sa Abril 1, 2001. Mahimong orderon kini sa mga kongregasyon diha sa pormang Literature Request Form (S-14) sa naandang paagi.