Mga Pahibalo
◼ Tanyag nga literatura sa Agosto: Bisan hain sa mosunod nga 32-panid nga brosyur mahimong gamiton: Tinuod Bang May Pagtagad ang Diyos Kanato?, Tagamtama ang Kinabuhi sa Yuta sa Walay Kataposan!, “Tan-awa! Ginabag-o Ko ang Tanang Butang,” Angay ba Nimong Tuohan ang Trinidad?, Ang Balaang Ngalan nga Magpadayon sa Walay Kataposan, Ang Kagamhanang Mopatunghag Paraiso, Unsay Mahitabo Kanato sa Dihang Mamatay Kita?, Unsa ang Katuyoan sa Kinabuhi—Sa Unsang Paagi Makaplagan Nimo Kini?, ug Sa Dihang ang Imong Minahal Mamatay. Ang mga brosyur nga Usa ka Basahon Alang sa Tanang Tawo ug Will There Ever Be a World Without War?, maingon usab ang atong bag-ong brosyur nga Ikaw Mahimong Higala sa Diyos!, mahimong itanyag kon haom. Septiyembre: Life—How Did It Get Here? By Evolution or by Creation? Oktubre: Indibiduwal nga mga kopya sa Ang Bantayanang Torre ug Pagmata! Diin makaplagan ang interes diha sa mga balikduaw, ang mga suskrisyon mahimong itanyag. Pagdala kanunay ug brosyur nga Gikinahanglan aron makasugod ug pagtuon sa Bibliya kon posible.
◼ Ang nagadumalang magtatan-aw o usa nga iyang gitudlo kinahanglang mag-awdit sa mga kuwenta sa kongregasyon sa Septiyembre 1 o dili madugay human niana. Sa dihang kini nahimo na, ipahibalo sa kongregasyon human nga mabasa ang sunod nga taho sa kuwenta.
◼ Ang tinuig nga imbentaryo sa tanang literatura ug mga magasin nga estak kinahanglang himoon sa Agosto 31, 2001, o sa daling panahong posible human niana. Kini nga imbentaryo maoy susama sa aktuwal nga ihap nga gihimo sa matag bulan sa koordinetor sa literatura, ug ang mga total kinahanglang itala diha sa pormang Literature Inventory (S-18). Ang total nga gidaghanon sa magasin nga estak mahimong kuhaon gikan sa mga alagad sa magasin sa matag kongregasyon diha sa grupo sa literatura. Ang matag nagahikay nga kongregasyon makadawat ug tulo ka Literature Inventory nga mga porma (S-18) duyog sa Hunyo nga kuwentada sa kuwenta. Palihog ipadala ang orihinal ngadto sa Sosyedad nga dili maulahi sa Septiyembre 6. Hupti ang ikaduhang kopya para sa inyong mga payl. Ang ikatulong kopya mahimong gamiton ingong work sheet. Ang sekretaryo sa nagahikay nga kongregasyon kinahanglang modumala sa imbentaryo. Siya ug ang nagadumalang magtatan-aw sa nagahikay nga kongregasyon mopirma sa porma.
◼ Duyog sa Hunyo nga kuwentada sa kuwenta, ang matag kongregasyon makadawat ug duha ka kopya sa Congregation Analysis Report (S-10). Ang sekretaryo sa kongregasyon magtigom sa mga taho aron mapil-apan kini nga porma sa tukma ug hapsay nga paagi, human niana kini kinahanglang maampingong susihon sa komite sa pag-alagad. Ang orihinal kinahanglang ipadala ngadto sa Sosyedad sa pagka-Septiyembre 6. Hupti ang duplikado sa inyong payl.
◼ Ang mga order sa Pagsusi sa Kasulatan sa Adlaw-Adlaw —2002 ug ang 2002 Calendar kinahanglang ipadala na karon ngadto sa Sosyedad. Magpadala kami ug special order blank uban sa Hunyo nga kuwentada sa kuwenta para niining duha ka aytem. Inigkadawat ninyo niini, pil-api kini ug ibalik kini sa Sosyedad nga dili maulahi sa Septiyembre 6.
◼ Aduna pay panahon alang kanilang nagaplano nga mosugod sa regular payunir nga buluhaton sa Septiyembre 1 aron itunol ang ilang mga aplikasyon. Sa dihang aprobahan kini sa komite sa pag-alagad kinahanglang ipadala kini ngadto sa Sosyedad nga walay langan aron ang aprobal madawat sa dili pa ang Septiyembre 1.
◼ Sugod niining tuiga, ang mga regular payunir dili mahimong takos sa pagtambong sa Tunghaan sa Payunir nga Pag-alagad gawas kon sila maoy labing menos 16 anyos ang panuigon sa pagka-Septiyembre 1 sa maong tuig nga sila motambong sa tunghaan. Ang eksepsiyon mahimo kon ang ginikanan sa menor de edad nga payunir kuwalipikado sa pagtambong sa samang klase.