“Magagahin”

Sa unang Kristohanong kongregasyon, adunay materyal nga mga panginahanglan nga kinahanglang tagdon. Samtang nag-uswag ang matag tawo, giawhag siya nga “magagahin” ingong kontribusyon aron tagbawon ang maong mga panginahanglan. (1 Cor. 16:1-3) Tungod sa ilang pagkamanggihatagon, ang tanan nalipay sa paghatag ug “mga pasalamat ngadto sa Diyos.”—2 Cor. 9:11, 12.

Karong panahona ang tibuok-kalibotang buluhaton sa katawhan ni Jehova padayong nagauswag, nga nagkinahanglag nagadakong pinansiyal nga pagpaluyo. Maoy tukma nga kita usab “magagahin” kanunay aron makatabang sa pagsuplay sa maong panginahanglan. (2 Cor. 8:3, 4) Ang materyal nga pagpanghatag mahimo man sa nagkalainlaing mga paagi. (Tan-awa ang Nobyembre 1, 2001, Bantayanang Torre, mga panid 28-9.) Angay natong isipon kini ingong pribilehiyo nga magdalag tinuod nga kalipay.—Buh. 20:35.