Mga Pahibalo

◼ Tanyag nga literatura sa Mayo: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga maoy regular nga mohatod sa mga magasin, uban ang tumong nga makasugod ug pagtuon sa Bibliya. Hunyo: Ang librong Kahibalo o ang brosyur nga Gikinahanglan mao ang itanyag. Kon aduna na niining mga publikasyona ang mga tagbalay, itanyag ang brosyur nga Ikaw Mahimong Higala sa Diyos! Hulyo ug Agosto: Bisan unsang mga brosyur mahimong itanyag, apan ilabina namong gidasig ang pag-apod-apod sa mosunod nga upat ka brosyur: Usa ka Basahon Alang sa Tanang Tawo; Ikaw Mahimong Higala sa Diyos!; Makapatagbaw nga Kinabuhi​—Kon Unsaon Pag-angkon Niini; Unsay Mahitabo Kanato sa Dihang Mamatay Kita?

◼ Ang nagadumalang magtatan-aw o usa nga iyang itudlo kinahanglang mag-awdit sa mga kuwenta sa kongregasyon sa Hunyo 1 o sa di madugay human gayod niana. Sa dihang mahimo na kini, ipahibalo sa kongregasyon human mabasa ang sunod nga taho sa kuwenta.

◼ Sa mosunod nga pipila ka bulan kami magpadala kaninyo ug suplay sa mga porma nga inyong gikinahanglan sa kongregasyon sulod sa umaabot nga tuig sa pag-alagad. Kon nanginahanglan pa kamo ug uban pang mga porma, kini mahimong orderon sa naandang paagi, ginamit ang pormang Literature Request (S-AB-14). Ang mga porma ipadala nga walay bayad, apan sa walay duhaduha ang mga kongregasyon buot mohatag ug makataronganong amot alang sa tibuok-kalibotang buluhaton aron maabagan ang mga galastohan sa pag-imprenta ug pagpadala.

◼ Matikdi: Niining tuiga ang mga lapel card alang sa 2002 nga Distritong mga Kombensiyon ilakip diha sa suplay sa mga porma, busa dili na kini kinahanglang orderon gawas kon inyong makaplagan nga kulang ang gidaghanon sa gipadala kaninyo. Apan, kinahanglan ninyong orderon ang mga celluloid badge holder diha sa regular nga pormang Literature Request.

◼ Pagbantay batok sa malinglahong mga laraw nga mikaylap na diha sa Internet ug sa koreyo nga mangayog salapi alang sa atong mga igsoon ubos sa pagtakoban nga itabang sa mga biktima sa mga katalagman. Kon may mga kahimtang nga kinahanglang moporma ug komite sa hinabang aron sa pagtagana ug materyal nga tabang alang sa mga Saksi ni Jehova, kining impormasyona ipahibalo ngadto sa responsableng mga igsoon. Ang bisan unsang donasyon alang sa maong mga hinabang angayng ipadala ngadto sa Watch Tower, P.O. Box 2044, 1060 Manila.

◼ Bag-ong Publikasyon nga Mabatonan:

Isaiah’s Prophecy​—Light for All Mankind, Volume II​—Dagkong Letra​—Ingles

◼ Bag-ong Audiocassette nga Mabatonan:

Respect Jehovah’s Authority​—Ingles (Matikdi: Kini mao ang drama sa distritong kombensiyon sa miaging tuig.)