Repaso sa Teokratikanhong Tunghaan sa Ministeryo

Sirado-basahong pagsubli sa materyal nga nakobrehan diha sa mga asaynment sa Teokratikanhong Tunghaan sa Ministeryo para sa mga semana sa Mayo 6 hangtod sa Agosto 19, 2002. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.

[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]

Tubaga ang matag usa sa mosunod nga mga pahayag nga Matuod o Bakak:

1. Ang Jeremias 18:1-6 nagpakita nga si Jehova maoy nagpahinabo nga ang katawhan mohimo sa mga butang nga supak sa ilang kabubut-on. [Senemanang pagbasa sa Bibliya; tan-awa ang w99-CV 4/1 p. 22 mga par. 3-4.] Bakak. Wala gayod gamita ni Jehova ang iyang pagkalabing-gamhanan sa pagpugos sa mga tawo sa pagbuhat sa mga butang nga supak sa ilang kabubut-on; ni siya maoy responsable sa depektosong mga produkto, maingon sa kaso sa usa ka tawhanong magkukulon; ang mga depekto mahitabo sa dihang kadtong gisulayan pag-umol ni Jehova sa positibong paagi mosukwahi sa iyang pagtultol. (Deut. 32:4)

2. Gipangawat sa mini nga mga manalagna ang gahom ug epekto sa mga pulong sa Diyos pinaagi sa pagdasig sa mga tawo sa pagpamati sa kabakakan inay sa matuod nga pasidaan gikan sa Diyos. (Jer. 23:30) [Senemanang pagbasa sa Bibliya; tan-awa ang w92-CV 2/1 p. 4 par. 3.] Matuod.

3. Sa Jeremias 25:​15, 16, “kining kopa sa bino sa kaaligutgot” nga nagpahinabo sa “tanang kanasoran . . . [nga] molihok nga samag mga tawong buang” nagtumong sa makapabuang nga epekto sa bakak nga relihiyon. [Senemanang pagbasa sa Bibliya; tan-awa ang w94-CV 3/1 p. 20 par. 13.] Bakak. “Kining kopa” gigamit sa pagsimbolo sa kabubut-on ni Jehova nga ang mga nasod paimnon sa iyang panimalos; ang Jeremias 25:17-26 nagtala sa nasodnong mga pundok nga naglandong sa mga nasod karong adlawa.

4. Sumala sa paagi sa pagpadapat ni Mateo sa tagna ni Jeremias, ang “yuta sa kaaway” nagtumong sa yuta sa kamatayon, nga gikan niana ang mga batang gipamatay ni Herodes nga Bantogan mamalik pinaagi sa pagkabanhaw. (Jer. 31:​15, 16; Mat. 2:​17, 18) [Senemanang pagbasa sa Bibliya; tan-awa ang w80 1/1 p. 12 par. 13.] Matuod.

5. Ang Jeremias 37:21 nagpasalig nga si Jehova makatabang sa iyang matinumanong mga alagad panahon sa kalisod sa panalapi. [Senemanang pagbasa sa Bibliya; tan-awa ang w97-CV 9/15 p. 3 par. 4–​​p. 4 par. 2.] Matuod.

6. Ang basahon sa Lamentaciones nagpahayag ug dulot nga kasubo tungod sa kalaglagan sa Jerusalem niadtong 607 W.K.P. pinaagi ni Nabucodonosor, ang hari sa Babilonya. [si-CV p. 130 par. 1] Matuod.

7. Ang Lamentaciones 5:7 tin-awng nagpakita nga si Jehova direktang nagasilot sa mga bata tungod sa sala sa ilang mga ginikanan. [Senemanang pagbasa sa Bibliya; tan-awa ang kahon sa w88-CV 9/1 p. 27.] Bakak. Bisan pag ang daotang mga sangpotanan sa buhat nga daotan bation gihapon sa ulahing mga kaliwatan, ang mga indibiduwal angayng manubag mismo sa Diyos. (Jer. 31:​29, 30; Roma 14:12)

8. Ang marka sa agtang nga gitumong sa Ezequiel 9:4 nagkahulogan nga ang kahibalo lamang makaluwas na sa usa ka tawo. [Senemanang pagbasa sa Bibliya; tan-awa ang w88-CV 9/15 p. 14 par. 18.] Bakak. Kini nagtumong sa ebidensiya nga ang mga minarkahan maoy dedikado, bawtismado nga mga Kristohanon nga nagsul-ob sa samag-Kristo nga personalidad.

9. Ang “gasa nga mga lalaki” nga gihisgotan sa Efeso 4:8 mao ang Kristohanong mga ansiyano, nga gitudlo sa balaang espiritu ug gihatagag awtoridad sa pag-atiman sa espirituwal nga mga intereses sa mga isigkamagtutuo. (Buh. 20:28) [w00-CV 8/1 p. 6 par. 3] Matuod.

10. Sa modernong-adlaw nga kapadapatan sa Ezequiel kapitulo 23, ang Protestantismo mahimong ipanig-ingon kang Oholiba ug ang Romano Katolisismo, ngadto sa iyang magulang nga babaye nga si Ohola. [Senemanang pagbasa sa Bibliya; tan-awa ang w88-CV 9/15 p. 21 par. 22.] Matuod.

Tubaga ang mosunod nga mga pangutana:

11. Kinsa ang tulo ka manalagna nga talagsaon sulod sa kritikal nga katuigan gikan sa 617 hangtod sa 607 W.K.P., nga natapos sa kalaglagan sa Jerusalem? [si-CV p. 133 par. 2] Sila mao si Jeremias, Daniel, ug Ezequiel.

12. Sa unsang paagi gibanaag ang tinuod nga pagpabili sa halad lukat ni Kristo, ingong pagsanong sa imbitasyon diha sa Lucas 9:23? [w00-CV 3/15 p. 8 par. 1] Ang tinuod nga pagpabili makaapekto ug dako sa atong panglantaw, mga tumong, ug estilo sa kinabuhi, nga magtukmod kanato sa pagkat-on pa ug dugang bahin kang Kristo ug sa iyang mahigugmaong Amahan; magpalihok usab kini kanato nga mouswag sa pagtuo, nga magkinabuhi sumala sa mapuslanong mga sukdanan sa Diyos, ug ‘magmasiboton sa maayong mga buhat.’ (Tito 2:​13, 14; Juan 17:3) (Diwa igo na)

13. Sa unsang paagi “gilimbongan” ni Jehova si Jeremias? (Jer. 20:7) [Senemanang pagbasa sa Bibliya; tan-awa ang w89-CV 5/1 p. 31 par. 6.] Dayag nga gibati ni Jeremias nga wala na siyay mahimo, apan ang Diyos ‘naglimbong’ kang Jeremias sa paagi nga Iyang gigamit kining dili-hingpit nga tawo sa pagpalampos kon unsay dili mabuhat sa manalagna sa iyang kaugalingong kusog.

14. Unsay gipasabot ni Jesus sa dihang miingon siya nga ang balaang espiritu “magtudlo kaninyo sa tanang butang ug magpahinumdom kaninyo sa tanang butang nga akong gisulti kaninyo”? (Juan 14:26) [w00-CV 4/1 p. 8 mga par. 7-8] Ang balaang espiritu sa Diyos nagsilbing tigpahinumdom ug naghatag ug pagsabot, nga nagpahinumdom sa mga tinun-an sa mga butang nga ilang nadungog kanhi gikan kang Jesus apan wala kaayo masabti.

15. Sumala sa Jeremias 35:​18, 19, unsang paglaom ang gitanyag ngadto sa modernong-adlaw nga Rekabitang matang? [Senemanang pagbasa sa Bibliya; tan-awa ang su-E p. 131 par. 7.] Ang karaang mga Rekabita nalakip niadtong mga nakalabang-buhi sa kalaglagan sa Jerusalem niadtong 607 W.K.P., nga naglandong sa “ubang mga karnero,” kinsa makalabang-buhi sa umaabot nga kalaglagan sa Kakristiyanohan ug sa uban pang bahin sa kalibotan nga independenteng nagbuhat kon unsay buot nilang buhaton, nga nagdumili sa pag-ila sa pagkasoberano ni Jehova. (Juan 10:16) (Diwa igo na)

16. Sa unsang paagi ang mga Nepilim maoy “mga gamhanan” ug “mga tawong bantogan”? (Gen. 6:4) [w00-CV 4/15 p. 27 par. 9] Pinaagi sa gamhanang mga buhat, nga way duhaduhang naglakip sa kapintas ug pinatyanay, kining labaw-tawhanong mga anak sa masinupakong mga manulonda nahimong mga banggiitan nga morag dili mapukan. (Gen. 6:​11, 13)

17. Sa unsang paagi si Baruk nawad-an sa iyang espirituwal nga panimbang, ug unsang leksiyon ang atong makat-onan gikan sa iyang kasinatian? (Jer. 45:1-5) [Senemanang pagbasa sa Bibliya; tan-awa ang w97-CV 8/15 p. 21 mga par. 14-16.] Si Baruk nagsugod sa ‘pagpangita sa dagkong mga butang alang sa iyang kaugalingon,’ tingali bahandi, pagkainila, o materyal nga kasegurohan, apan siya namati sa pagbadlong ni Jehova ug naluwas ang iyang kinabuhi; angay natong likayan ang pagpangita sa susamang mga butang tungod kay haduol na ang kataposan niining sistema sa mga butang.

18. Kanus-a ug sa unsang paagi natuman ang tagna sa Jeremias 50:38? [Senemanang pagbasa sa Bibliya; tan-awa ang dp-CV p. 150 mga par. 2-3.] Natuman kini niadtong 539 W.K.P. sa dihang gipatipas ni Ciro nga Persianhon ang katubigan sa Subang Euprates, nga nagtugot sa iyang kasundalohan sa pagsulod sa Babilonya agi sa pinakasalog sa suba ug nagbihag niana.

19. Unsay gipaila sa dulnganan sa Jerusalem, ang “ulay nga anak nga babaye sa Juda,” alang sa Kakristiyanohan, sumala sa Lamentaciones 1:15? [Senemanang pagbasa sa Bibliya; tan-awa ang kahon sa w88-CV 9/1 p. 27.] Maingon nga ang Jerusalem, nga giisip nga sama sa usa ka putli nga babaye, gilaglag uban ang dakong pag-ulag dugo, nga sama sa pagpuga sa duga gikan sa mga paras diha sa pug-anan sa bino, pagadugmokon usab ang Kakristiyanohan sa gitakdang panahon sa Diyos.

20. Unsa ang kahulogan sa mga pulong “Kuhaa ang purong, ug kuhaa ang korona,” ingon sa natala sa Ezequiel 21:26? [Senemanang pagbasa sa Bibliya; tan-awa ang w88-CV 9/15 p. 19 par. 16.] Ang aktibo nga harianong pagmando sa mahulagwayong gingharian sa Diyos sa Jerusalem, nga gisimbolohan sa “korona” ug sa “purong,” natapos; “ang tinudlong mga panahon sa mga nasod” nagsugod. (Luc. 21:24)

Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:

21. Ang tawo nga makasaranganon dili molapas sa ․․․․․․․ sukdanan sa maayong ․․․․․․․ panggawi ug moila nga adunay ․․․․․․․ mga limitasyon sa kon unsay iyang angayng buhaton ug maarangang buhaton. (Miq. 6:8) [w00-CV 3/15 p. 21 mga par. 1-2]

22. Bisan tuod ang balaang espiritu dili tingali magwagtang sa ․․․․․․․ mga pagsulay o sa ․․․․․․․ , mga tentasyon, kini makatabang kanato sa ․․․․․․․ paglahutay niini. (1 Cor. 10:13; 2 Cor. 4:7) [w00-CV 4/1 p. 11 par. 6]

23. Nasabtan sa manalagnang si Daniel gikan sa mga sinulat ni Jeremias nga ang kalaglagan sa Jerusalem molungtad ug ․․․․․․․ ; 70 ka tuig; ang talagsaong katukma niini magpalig-on sa pagtuo diha sa gahom ni Jehova sa ․․․․․․․ pagtagna. . (Jer. 25:12; Dan. 9:2) [si-CV p. 129 par. 37]

24. Ang basahon sa Lamentaciones angayng magdasig sa matuod nga mga magsisimba nga ․․․․․․․ magmasinugtanon ug ․․․․․․․ maghupot ug integridad ug magsilbing ․․․․․․․ puwersado nga pasidaan alang kanilang wala manumbaling kang Jehova nga Diyos. [si-CV p. 132 par. 13]

25. Ang panig-ingnan ni Abraham sa pagkamapahiuyonon sa dihang naghusay ug panagbingkil magdasig kanato nga dili tugotan ang ․․․․․․․ personal nga kagustohan o ․․․․․․․ garbo nga modaot sa atong bililhong relasyon uban sa atong mga igsoon. (Gen. 13:5-12) [w00-CV 8/15 p. 24 mga par. 3-4]

Pilia ang hustong tubag sa matag usa sa mosunod nga mga pahayag:

26. Gipabilhan ni Job ang (kahibalo; kaluoy; paghukom) ni Jehova ug busa (masinaboton; maluluy-on; makiangayon) nga nagtratar sa iyang mga ulipon. (Job 31:​13, 14) [w00-CV 3/15 p. 26 par. 1]

27. Sa Jeremias 16:2-4, ang manalagna gisugo nga magpabiling tagsaanon (aron mabanaag ang iyang nagsakripisyo-sa-kaugalingon nga espiritu; aron ipasundayag ang dalan sa pagkatagsaanon nga pagasubayon sa Mesiyas; aron pamatud-an ang pagkatino sa pulong ni Jehova bahin sa kalaglagan sa Jerusalem). [Senemanang pagbasa sa Bibliya; tan-awa ang w78-E 4/15 p. 31 par. 2.]

28. Sa Proverbio 4:​7, ang kaalam nagtumong sa (pagkahimong sinati sa mga impormasyon; pagkasabot kon sa unsang paagi ang mga impormasyon nalangkit sa usag usa; paggamit sa kahibalo ug pagsabot). [w00-CV 5/15 p. 21 par. 1]

29. Walay tawo ang bug-os nga makatino sa orihinal nga Hebreohanong paglitok sa balaang ngalan tungod kay ang Biblikanhong Hebreohanon sa sinugdan gisulat nga ginamit ang (mga bokales lamang; mga konsonante lamang). [rs-CV p. 216 par. 1]

30. Ang karo sa Diyos nga gihubit diha sa Ezequiel kapitulo 1 naghulagway sa (Mesiyanikong Gingharian sa Diyos; espiritung organisasyon ni Jehova nga gilangkoban sa mga manulonda; pagpakigkomunikar ni Jehova sa nanghibilin). [Senemanang pagbasa sa Bibliya; tan-awa ang w88-CV 9/15 p. 11 par. 5.]

Ipatukma ang mosunod nga mga kasulatan sa mga pahayag nga gitala sa ubos:

Deut. 7:​25, 26; Prov. 4:18; 5:21; Jer. 46:28; Roma 15:4

31. Kining sugoa naghatag ug sumbanan kon sa unsang paagi angayng isipon sa katawhan ni Jehova ang bisan unsang imahen nga sa miagi ila tingaling gisimba. [Deut. 7:​25, 26] [rs-CV p. 242 par. 3]

32. Usa ka partikular nga paagi nga si Jehova naghatag ug kahupayan maoy pinaagi sa iyang sinulat nga Pulong, nga naundan sa kahibulongang paglaom alang sa umaabot. [Roma 15:4] [w00-CV 4/15 p. 5 par. 4]

33. Ang disiplina sa ginikanan kinahanglang dili molapas sa makataronganong mga limitasyon o mosaylo sa katuyoan niini sa pagtul-id ug pagtudlo. [Jer. 46:28] [Senemanang pagbasa sa Bibliya; tan-awa ang kl-CV p. 148 par. 20.]

34. Sanglit gipahinabo ni Jehova nga masabtan sa iyang mga alagad ang iyang katuyoan diha sa mauswagong paagi, ang napauswag nga kahibalo sagad nagkinahanglan ug mga pagpasibo sa panghunahuna sa usa. [Prov. 4:18] [rs-CV p. 379 par. 4]

35. Ang bisan unsang buhat sa seksuwal nga kahugawan, bisan unsa pa ka tinago, wala matago sa mga mata sa Diyos. [Prov. 5:21] [w00-CV 7/15 p. 31 par. 3]