Mga Pahibalo

◼ Tanyag nga literatura sa Nobyembre: Ang librong Kahibalo o brosyur nga Gikinahanglan mao ang itanyag. Kon ang mga tagbalay aduna na niini, mahimong itanyag ang laing daandaang publikasyon. Disyembre: Mahimong itanyag ang bisan hain sa mosunod nga mga libro: Ang Labing Bantogang Tawo nga Nabuhi Sukad, Ang Bibliya​—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Bisan unsang daandaang 192-panid nga libro mahimong itanyag. Kadtong walay daandaang mga libro mahimong motanyag sa Ang Pagpangita sa Katawhan sa Diyos. Pebrero: Bisan hain sa librong Creation o sa librong Pinadayag Sangkoanan mahimong itanyag.

◼ Ang usa ka programa alang sa mga bungol hikayon didto sa Quezon City sa “Masibotong mga Magmamantala sa Gingharian” Distritong Kombensiyon sa Disyembre 20-22, 2002. Kini ipahigayon nga dungan sa Ingles nga kombensiyon sa maong petsa. Bisan kinsang bungol nga mga tawo nga makasabot ug senyas nga pinulongan angayng motambong niini nga kombensiyon, sanglit walay programa para sa bungol sa ubang mga kombensiyon.

◼ Ang nagadumalang magtatan-aw o usa nga iyang itudlo kinahanglang mag-awdit sa kuwenta sa kongregasyon sa Disyembre 1 o sa dili madugay human niana. Ipahibalo sa kongregasyon sa dihang kini nahuman na.

◼ Ang sangang buhatan dili magsuplay sa mga order sa indibiduwal nga magmamantala alang sa literatura. Angayng hikayon sa nagadumalang magtatan-aw nga ipahibalo kada bulan sa dili pa ikapadala ngadto sa sangang buhatan ang binulang hangyo sa kongregasyon alang sa literatura aron nga ang tanang interesado nga makabaton ug personal nga literatura magpahibalo sa igsoong lalaki nga nagdumala sa literatura. Palihog hinumdomi kon unsang mga publikasyona ang special-request.

◼ Angayng matikdan niadtong tanang buot motambong sa Distritong Kombensiyon sa Zamboanga City nga kini pagahimoon na sa Disyembre 27-29, 2002, inay sa Disyembre 20-22.