Mga Pahibalo

◼ Tanyag nga literatura sa Disyembre: Bisan unsa sa mosunod nga mga libro mahimong itanyag: Ang Labing Bantogang Tawo nga Nabuhi Sukad, Ang Bibliya​—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Bisan unsang daandaang 192-panid nga libro mahimong itanyag. Kadtong walay mabatonang daandaang mga libro mahimong motanyag sa Pagpangita sa Katawhan sa Diyos. Pebrero: Bisan hain sa librong Creation o sa librong Pinadayag Sangkoanan mahimong itanyag. Marso: Ang librong Kahibalo itanyag uban sa paningkamot nga makasugod ug mga pagtuon sa Bibliya.

◼ Kon ikaw mobakasyon o motambong sa distritong kombensiyon sa hinapos sa Disyembre, paneguroa nga ihatag ang imong taho sa pag-alagad sa kanataran ngadto sa imong Magtatan-aw sa Pagtuon sa Libro sa Kongregasyon sa dili pa molakaw. Kon ang tanan mahunahunaon sa pagtaho, malikayan nato ang pagkunhod sa mga magmamantala sa Disyembre bisan pa sa puliking kalihokan sa kombensiyon.

◼ Mga Amot sa Distritong Kombensiyon: Ang tanang galastohan sa mga kombensiyon, lakip ang abang sa haom nga mga pasilidad, pag-andam sa entablado ug amplipayr, maingon man ang gasto sa bisan unsang bag-ong mga publikasyon nga mahimong luwatan, gisuportahan pinaagi sa boluntaryong mga amot ngadto sa tibuok-kalibotang buluhaton. Kami nakaseguro nga imong hinumdoman kini sa dihang motambong. Ang mga amot mahimong himoon pinaagi sa paggamit sa mga kahon sa amot nga gitagana didto sa matag kombensiyon.

◼ 2003 Tinuig nga Teksto: Ang tinuig nga teksto sa 2003 gikuha sa Santiago 4:8: “Duol sa Diyos, ug siya moduol kaninyo.” Ang tanang kongregasyon kinahanglang maghikay sa pagtaod sa bag-ong tinuig nga teksto diha sa ilang Kingdom Hall sa Enero 1, 2003.

◼ Ang video nga Faithful Under Trials​—Jehovah’s Witnesses in the Soviet Union pagahisgotan sa Tigom sa Pag-alagad sa Pebrero. Kadtong gustong makabaton ug kopya niini nga video kinahanglang mohangyo niini pinaagi sa kongregasyon sa labing sayong maarangan.

◼ Adunay kausaban nga pagahimoon maylabot sa pagdumala sa Teokratikanhong Tunghaan sa Ministeryo sa dihang moduaw ang magtatan-aw sa sirkito. Sugod sa Enero 2003, human sa pangbukas nga awit ug pag-ampo, dumalahon ang tunghaan sulod sa mga 25 minutos. Dunay lima-ka-minuto nga pakigpulong sa hiyas sa pagpanulti, diyes-minutos nga nagatudlo nga pakigpulong, ug diyes-minutos nga haylayt sa Bibliya. Ang mga Asaynment Num. 2, 3, ug 4 dili na ipresentar. Ang tunghaan pagasundan sa tunga-sa-oras nga programa sa Tigom sa Pag-alagad. Human sa awit, dunay tunga-sa-oras nga programa sa magtatan-aw sa sirkito, nga pagasundan sa paniklop nga awit ug pag-ampo.