Eskedyul sa Tigom sa Pag-alagad

Semana sa Pebrero 10

Awit 4

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Dasiga ang tanan sa pagtan-aw sa video nga Faithful Under Trials​—Jehovah’s Witnesses in the Soviet Union agig pagpangandam sa panaghisgot sa Tigom sa Pag-alagad sa semana sa Pebrero 24. Ginamit ang mga sugyot sa panid 8, himoa ang duha ka separadong pasundayag kon unsaon pagtanyag ang Pebrero 15 nga Bantayanang Torre ug ang Pebrero 22 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda.

35 min: “Iwali ug Ihatag ang Bug-os nga Pamatuod.”a Dumalahon sa magtatan-aw sa pag-alagad. Dasiga ang tanan nga makahimo sa pag-oksilyare payunir sa Marso, Abril, ug Mayo. Pakomentoha kadtong nakapayunir sa miaging panahon sa Memoryal. Giunsa nila paghikay ang ilang panahon aron makapayunir? Unsang paningkamot ug mga pagpasibo ang gikinahanglan niini? Unsang mga kalipay ug mga panalangin ang ilang naeksperyensiyahan? Repasoha ang sampol nga mga eskedyul diha sa kahon sa panid 4. Ipahibalo nga ang mga aplikasyon alang sa pag-oksilyare payunir mabatonan human sa tigom.

Awit 30 ug paniklop nga pag-ampo.

Semana sa Pebrero 17

Awit 48

10 min: Lokal nga mga pahibalo. Taho sa kuwenta. Repasoha ang tanyag nga literatura sa Marso. Hisgoti ang usa o duha ka sugyot sa pagtanyag sa librong Kahibalo, ginamit ang mga punto gikan sa pasukip sa Mayo 2002 nga Atong Ministeryo sa Gingharian. Ipasiugda ang tumong nga makasugod ug mga pagtuon sa Bibliya sa balay.

35 min: “Pagkuhag Bug-os nga Kaayohan Gikan sa ‘Masibotong mga Magmamantala sa Gingharian’ Distritong Kombensiyon.” Dumalahon sa tagdumala sa Pagtuon sa Bantayanang Torre. Human sa usa ka minuto nga pasiuna, hisgoti uban sa mamiminaw ang programa sa distritong kombensiyon, ginamit ang mga pangutana nga gitagana diha sa artikulo. Bahinbahina pag-ayo ang imong panahon. Ang mubong mga komento mahimong ilakip aron mahinumdoman ang pangunang mga punto. Kon haom, pangutan-a ang mamiminaw kon giunsa nila pagpadapat ang ilang nakat-onan ug unsang mga kaayohan ang ilang nadawat sa paghimo niana.

Awit 57 ug paniklop nga pag-ampo.

Semana sa Pebrero 24

Awit 74

10 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho sa pag-alagad sa kanataran sa Pebrero. Ginamit ang mga sugyot sa panid 8, himoa ang duha ka separadong pasundayag kon unsaon pagtanyag ang Marso 1 nga Bantayanang Torre ug ang Marso 8 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda.

10 min: “Angay nga Tabang.” Pakigpulong sa ansiyano. Ipasiugda nga ang linaing paningkamot nga ginahimo sa pagtabang sa mga di-aktibo nagabanaag sa mahigugmaong kahingawa ni Jehova alang sa iyang katawhan.

25 min: “Usa ka Video nga Magpahimangno ug Magpalagsik Kanimo!” Dumalaha dayon ang panaghisgot sa mamiminaw sa video nga Faithful Under Trials, ginamit ang mga pangutana nga gitagana. Bahinbahina pag-ayo ang panahon aron daghan ang makakomento sa kataposang pangutana. Taposa pinaagi sa pagbasa sa kahon sa panid 192 sa 2002 Tinuig nga Basahon. (Matikdi: Sa mga kongregasyon nga walay magamit niini nga video, ang pakigpulong nga “Kon Unsaon Pagbuntog ang Negatibong mga Pagbati” mahimong maoy ipahayag, pinasukad sa Abril 15, 2001 nga Bantayanang Torre, mga panid 22-4.)

Awit 56 ug paniklop nga pag-ampo.

Semana sa Marso 3

Awit 14

10 min: Lokal nga mga pahibalo. Hisgoti sa mubo ang “Bag-ong Kahikayan sa mga Librarya sa Kingdom Hall.” Ipahibalo kon kinsay moalagad ingong libraryan sa librarya sa Kingdom Hall.

15 min: Lokal nga mga panginahanglan.

20 min: “Unsa ang Imong Unahonon?”b Hikaya daan ang usa o duha ka magmamantala sa pagkomento kon giunsa nila sa pagpasibo ang ilang mga kahimtang aron daghan pa ang mahimo diha sa ministeryo.

Awit 127 ug paniklop nga pag-ampo.

[Mga footnote]