Mga Pahibalo

◼ Tanyag nga literatura sa Agosto: Bisan hain sa mga brosyur mahimong itanyag, apan maayong ipasiugda gayod ang brosyur nga Makapatagbaw nga Kinabuhi​—Kon Unsaon Pag-angkon Niini. Septiyembre: Life​—How Did It Get Here? By Evolution or by Creation? Oktubre: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga maoy regular nga mohatod sa mga magasin, uban ang tumong nga makasugod ug pagtuon sa Bibliya. Nobyembre: Ang librong Kahibalo o ang brosyur nga Gikinahanglan mahimong itanyag. Kon aduna na niini ang mga tawo, itanyag ang librong Simbaha ang Diyos o usa ka daandaang publikasyon.

◼ Sugod sa semana sa Oktubre 20, 2003, ang Cebuano, Hiligaynon, Iloko, Pangasinan, ug Tagalog nga mga kongregasyon magtuon sa Simbaha ang Bugtong Matuod nga Diyos diha sa Pagtuon sa Libro sa Kongregasyon. Ang Bicol ug Samar-Leyte nga mga kongregasyon magtuon sa librong Nahiusa sa Pagsimba sanglit ang librong Simbaha ang Diyos dili man mabatonan sa ilang mga pinulongan.

◼ Ang nagadumalang magtatan-aw o usa nga iyang gitudlo kinahanglang mag-awdit sa mga kuwenta sa kongregasyon sa Septiyembre 1 o sa dili madugay human niana. Sa dihang kini nahimo na, ipahibalo sa kongregasyon human mabasa ang sunod nga taho sa kuwenta.

◼ Ang tinuig nga imbentaryo sa tanang literatura ug mga magasin nga anaa kinahanglang himoon sa Agosto 31, 2003, o dili madugay human niana. Kini nga imbentaryo maoy susama sa aktuwal nga ihap nga gihimo matag bulan sa koordinetor sa literatura, ug ang mga total kinahanglang itala diha sa pormang Literature Inventory (S-18). Ang total nga gidaghanon sa magasin nga anaa mahimong kuhaon gikan sa (mga) alagad sa magasin. Ang sekretaryo sa nagahikay nga kongregasyon kinahanglang modumala sa imbentaryo. Siya ug ang nagadumalang magtatan-aw sa nagahikay nga kongregasyon mopirma sa porma. Ang matag nagahikay nga kongregasyon makadawat ug tulo ka Literature Inventory nga mga porma (S-18) duyog sa kuwentada sa Hunyo. Palihog ipadala ang orihinal ngadto sa sangang buhatan nga dili maulahi sa Septiyembre 6. Hupti ang ikaduhang kopya alang sa inyong mga payl. Ang ikatulong kopya mahimong gamiton ingong work sheet.

◼ Duyog sa kuwentada sa Hunyo, ang matag kongregasyon makadawat ug duha ka kopya sa Congregation Analysis Report (S-10). Ang sekretaryo sa kongregasyon magtigom sa mga taho aron mapil-apan kini nga porma sa tukma ug hapsay nga paagi, human niana kini kinahanglang maampingong susihon sa komite sa pag-alagad. Ang orihinal kinahanglang ipadala ngadto sa sangang buhatan sa pagka-Septiyembre 6. Hupti ang duplikado sa inyong payl.

◼ Ang mga order sa Pagsusi sa Kasulatan sa Adlaw-Adlaw​—2004 ug ang 2004 Calendar kinahanglang ipadala na karon ngadto sa sangang buhatan. Magpadala kami ug usa ka special order blank uban sa kuwentada sa Hunyo para niining duha ka aytem. Kon usa lang ka kongregasyon ang naggamit sa Kingdom Hall, ang alagad sa literatura kinahanglang magpil-ap niini ug magbalik niini sa sangang buhatan nga dili maulahi sa Septiyembre 6. Kon ubay-ubayng kongregasyon ang naggamit sa usa ka Kingdom Hall, ang mga order gikan sa matag kongregasyon kolektahon sa koordinetor sa literatura ug ilangkob diha sa usa ka order blank nga ipadala ngadto sa sangang buhatan.