Mga Pahibalo
◼ Tanyag nga literatura sa Enero: Bisan unsang daandaang 192-panid nga libro mahimong itanyag. Kadtong walay mabatonang daandaang mga libro mahimong motanyag sa Pagpangita sa Katawhan sa Diyos. Pebrero: Ang librong Pakigsuod Kang Jehova maoy itanyag. Marso: Ang librong Kahibalo maoy itanyag, uban ang tumong nga makasugod ug mga pagtuon sa Bibliya. Kon ang mga tawo aduna na niining publikasyona, ang Patalinghogi ang Tagna ni Daniel! mahimong itanyag. Abril ug Mayo: Indibiduwal nga mga kopya sa Ang Bantayanang Torre ug Pagmata! Sa dihang mohimog mga balikduaw sa interesadong mga tawo, ilakip kadtong nakatambong sa Memoryal o sa uban pang teokratikanhong mga kalihokan apan dili aktibong nakig-uban sa organisasyon. Ipasiugda ang pagpahimutang sa librong Simbaha ang Diyos. Paningkamoting makasugod ug pagtuon sa Bibliya sa balay, ilabina sa mga tawong nakatuon na sa librong Kahibalo ug sa brosyur nga Gikinahanglan.
◼ Ang mga kongregasyon angayng maghimog mga kahikayan sa pagsaulog sa Memoryal niining tuiga sa Dominggo, Abril 4, 2004, human sa pagsalop sa adlaw. Ang mga tigom nga kasagarang gihimo sa Dominggo kinahanglang himoon sa laing adlaw aron ang Memoryal mao lang ang tigom nga himoon sa Abril 4. Bisan tuod ang pakigpulong mahimong magsugod nga sayosayo pa, ang pagpasa sa mga emblema sa Memoryal kinahanglan nga dili sugdan hangtod human sa pagsalop sa adlaw. Sanglit walay laing tigom nga himoon nianang adlawa gawas sa tigom sa dayon nang pagsangyaw, ang haom nga mga kausaban angayng himoon alang sa Pagtuon sa Bantayanang Torre nga dumalahon sa laing panahon. Kinahanglang usbon sa mga magtatan-aw sa sirkito ang ilang eskedyul sa tigom alang sa maong semana sumala sa lokal nga mga kahimtang. Bisan tuod maayo alang sa matag kongregasyon ang paghimog kaugalingong pagsaulog sa Memoryal, hayan dili kini kanunayng posible. Diin ubay-ubayng mga kongregasyon ang naandang nagagamit sa samang Kingdom Hall, tingali usa o dugang nga mga kongregasyon ang makagamit ug laing pasilidad alang sa maong gabii. Kon posible, gisugyot namo ang labing menos 40 minutos nga kal-ang tali sa mga programa aron ang tanan makapahimulos sa bug-os sa maong okasyon.
◼ Sanglit ang Abril ug Mayo maoy espesyal nga mga bulan sa magasin ug daghan ang makig-ambit diha sa buluhatong oksilyare payunir nianang panahona, ang magtatan-aw sa pag-alagad ug ang alagad sa magasin kinahanglang magtagad na karon sa pag-order ug ekstrang mga magasin nga magamit sa kongregasyon sulod sa maong mga bulan. Palihog ipadala ang inyong espesyal nga mga order aron moabot kini sa sangang buhatan sa pagka-Pebrero 1, 2004. Kini magseguro nga inyong madawat ang ekstrang mga magasin nga dungan sa inyong regular nga order.
◼ Sukad sa Marso 15, 2004, hangtod Mayo 16, 2005, ang librong Pakigsuod Kang Jehova pagatun-an diha sa Pagtuon sa Libro sa Kongregasyon. Kadtong nagkinahanglag mga libro alang sa maong pagtuon angayng magpadala na sa ilang mga order karon.
◼ Bag-ong Publikasyon nga Mabatonan:
The Guidance of God—Our Way to Paradise—Tausug (Matikdi: Kining maong brosyur alang sa mga Muslim mabatonan na karon diha sa usa sa ilang mga pinulongan.)