Mga Pahibalo
◼ Tanyag nga literatura sa Mayo: Indibiduwal nga mga kopya sa Ang Bantayanang Torre ug Pagmata! Sa dihang maghimog mga balikduaw sa interesadong mga tawo, ilakip kadtong mitambong sa Memoryal o sa ubang teokratikanhong mga kalihokan apan dili aktibong nakig-uban sa kongregasyon. Palabiha ang pagtanyag sa Simbaha ang Diyos nga libro ug paningkamoti ang pagsugod ug pagtuon sa Bibliya sa balay, ilabina sa mga tawong nakatuon na sa Kahibalo nga libro ug Gikinahanglan nga brosyur. Hunyo: Ang bag-ong libro nga Pagkakat-on Gikan sa Dakong Magtutudlo. Kon ang mga tawo moingon nga sila walay anak, itanyag ang Gikinahanglan nga brosyur. Hulyo ug Agosto: Mahimong itanyag ang bisan unsa sa mga brosyur.
◼ Ang nagadumalang magtatan-aw o usa nga iyang gitudlo kinahanglang mag-awdit sa mga kuwenta sa kongregasyon sa Hunyo 1 o sa dili madugay human niana. Sa dihang kini nahimo na, ipahibalo sa kongregasyon human mabasa ang sunod nga taho sa kuwenta.
◼ Sa mosunod nga pipila ka bulan kami magpadala kaninyo ug suplay sa mga porma nga inyong gikinahanglan sa kongregasyon sulod sa umaabot nga tuig sa pag-alagad. Kon nanginahanglan pa kamo ug uban pang mga porma, kini mahimong orderon sa naandang paagi, ginamit ang pormang Literature Request (S-AB-14). Ang mga porma ipadala nga walay bayad, apan sa walay duhaduha ang mga kongregasyon buot mohatag ug makataronganong amot alang sa tibuok-kalibotang buluhaton aron maabagan ang mga galastohan sa pag-imprenta ug pagpadala. Palihog matikdi nga ang mga lapel card alang sa 2004 nga Distritong mga Kombensiyon ilakip diha sa suplay sa mga porma, busa dili na kinahanglan nga orderon kini gawas kon inyong makaplagan nga kulang ang gidaghanon sa gipadala kaninyo. Apan, kinahanglan ninyong orderon ang mga celluloid badge holder diha sa regular nga pormang Literature Request.
◼ Aduna pa kamiy igong suplay sa Kingdom Melodies No. 9 sa audiocassette sa sangang buhatan. Ang mga magmamantala nga interesadong makabaton ug usa niini makahangyo sa alagad sa literatura aron ikapadala ngadto sa sangang buhatan uban sa sunod nilang Literature Request.