Repaso sa Teokratikanhong Tunghaan sa Ministeryo
Ang mosunod nga mga pangutana pagatagdon nga binaba panahon sa Teokratikanhong Tunghaan sa Ministeryo sa semana nga magsugod sa Hunyo 28, 2004. Dumalahon sa magtatan-aw sa tunghaan ang 30–minutos nga repaso pinasukad sa materyal nga gikobrehan diha sa mga asaynment alang sa mga semana sa Mayo 3 hangtod sa Hunyo 28, 2004. [Matikdi: Kon walay mga reperensiya human sa pangutana, kinahanglang mohimo kag kinaugalingong panukiduki aron makaplagan ang mga tubag.—Tan-awa ang Tunghaan sa Ministeryo, pp. 36-7.]
MGA HIYAS SA PAGPANULTI
1. Unsang mga hinungdan ang makapahimo kanatong kulang sa kabildohay nga estilo o artipisyal paminawon sa dihang magsulti diha sa plataporma? [be p. 179 par. 4]
2. Nganong ang pagpauswag sa kalidad sa atong tingog wala lamang maglangkit sa hustong pagginhawa ug pagparelaks sa nanghugot nga kaunoran? [be p. 181 par. 2]
3. Samtang ipaambit nato ang mga kamatuoran sa Bibliya sa uban, unsang praktikal nga mga lakang ang atong mahimo aron ‘mahimong tanang butang ngadto sa tanang matang sa katawhan’? (1 Cor. 9:20-23) [be p. 186 mga par. 2-4]
4. Unsay nalangkit sa pagpamati pag-ayo diha sa atong ministeryo? [be p. 187]
5. Nganong hinungdanon ang pagpakitag pagtahod sa tanan nga atong mahibalag diha sa atong ministeryo? [be p. 190]
ASAYNMENT NUM. 1
6. Unsay tumong niadtong mohatag ug teokratikanhong instruksiyon, ug unsay makatabang kanato sa pagkab-ot niining tumonga? (Mat. 5:16; Juan 7:16-18) [be p. 56 par. 3–p. 57 par. 2]
7. Nganong mapuslanon nga mohimog mga pagtandi sa dihang manudlo, ug sa unsang paagi gigamit ni Jesus kining maong paagi sa pagpanudlo? [be p. 57 par. 3; p. 58 par. 2]
8. Sukwahi sa mga Pariseo, sa unsang paagi ang pagpanudlo ni Jesus nakaabot sa kasingkasing sa mga tawo? [be p. 59 mga par. 2-3]
9. Sa unsang paagi matabangan nato kadtong atong gitudloan sa pagpadapat sa ilang nakat-onan, nga dili mohimog mga desisyon alang kanila? [be p. 60 mga par. 1-3]
10. Unsaon man nato pagtubag ang mga pangutana sa uban nga nagkinahanglag personal nga desisyon? [be p. 69 mga par. 4-5]
SENEMANANG PAGBASA SA BIBLIYA
11. Nganong kinahanglang sundon gayod ni Moises ang “sumbanan sa tabernakulo ug sumbanan sa tanang kasangkapan niini”? (Ex. 25:9) [it-2 p. 1058 par. 7]
12. Unsay atong makat-onan gikan sa tubag ni Aaron ngadto kang Moises mahitungod sa bulawan nga nating baka? (Ex. 32:24)
13. Unsay atong makat-onan gikan sa pagpasundayag ug pagtuo sa mga Israelinhon agig pagsunod sa sugo ni Jehova diha sa Exodo 34:23, 24?
14. Unsay katuyoan sa halad-sa-panag-ambit? (Lev. 3:1)
15. Sa unsang paagi ang pamaagi sa pagtudlo sa katungdanan maylabot kang Aaron, nga narekord sa Levitico 8:23, mahulagwayong mapadapat ngadto kang Jesus? [it-2 p. 1113 par. 4; w68-E p. 399 par. 24]