Mga Pahibalo

◼ Tanyag nga literatura sa Agosto: Mahimong itanyag ang bisan unsang mga brosyur. Septiyembre: Ang librong Life​—How Did It Get Here? By Evolution or by Creation? Oktubre: Itanyag ang tagsatagsa ka kopya sa Ang Bantayanang Torre ug Pagmata! uban ang tumong nga makasugod ug mga pagtuon sa Bibliya sa balay ginamit ang brosyur nga Gikinahanglan. Nobyembre: Ang librong Pagkakat-on Gikan sa Dakong Magtutudlo.

◼ Ang nagadumalang magtatan-aw o usa nga iyang gitudlo kinahanglang mag-awdit sa mga kuwenta sa kongregasyon sa Septiyembre 1 o sa dili madugay human niana.

◼ Ang tinuig nga imbentaryo sa tanang literatura ug mga magasin nga anaa kinahanglang himoon sa Agosto 31, 2004, o dili madugay human niana. Kini nga imbentaryo maoy susama sa aktuwal nga ihap nga gihimo matag bulan sa koordinetor sa literatura, ug ang mga total kinahanglang itala diha sa pormang Literature Inventory (S-18). Ang total nga gidaghanon sa magasin nga anaa mahimong kuhaon gikan sa (mga) alagad sa magasin. Ang sekretaryo sa nagahikay nga kongregasyon kinahanglang modumala sa imbentaryo. Siya ug ang nagadumalang magtatan-aw sa nagahikay nga kongregasyon mopirma sa porma. Ang matag nagahikay nga kongregasyon makadawat ug tulo ka Literature Inventory nga mga porma (S-18) duyog sa kuwentada sa Hunyo. Palihog ipadala ang orihinal ngadto sa sangang buhatan nga dili maulahi sa Septiyembre 6. Hupti ang ikaduhang kopya alang sa inyong mga payl. Ang ikatulong kopya mahimong gamiton ingong work sheet.

◼ Duyog sa kuwentada sa Hunyo, ang matag kongregasyon makadawat ug duha ka kopya sa Congregation Analysis Report (S-10). Ang sekretaryo sa kongregasyon mao ang magpil-ap niini nga porma sa tukma ug hapsay nga paagi, human niana kini kinahanglang maampingong susihon sa komite sa pag-alagad. Sa luyong bahin niining pormaha, ang tanang regular payunir kinahanglan ilista, nga magpakita sa ilang total nga mga oras alang sa tuig sa pag-alagad. Ang orihinal niining pormaha kinahanglang ipadala ngadto sa sangang buhatan sa pagka-Septiyembre 6. Hupti ang kopya niana sa inyong payl.

◼ Ang mga order sa Pagsusi sa Kasulatan sa Adlaw-Adlaw​—2005 ug sa 2005 Calendar kinahanglang ipadala na karon ngadto sa sangang buhatan. Magpadala kami ug usa ka special order blank uban sa kuwentada sa Hunyo para niining duha ka aytem. Kon ubay-ubayng kongregasyon ang naggamit sa usa ka Kingdom Hall, ang mga order gikan sa matag kongregasyon kolektahon sa koordinetor sa literatura ug ilangkob diha sa usa ka order blank nga ipadala ngadto sa sangang buhatan pagka-Agosto 15.

◼ Bag-ong Compact Disc nga Mabatonan:

Watchtower Library​—2003 Edition diha sa CD-ROM