Mga Pahibalo
◼ Tanyag nga literatura sa Pebrero: Itanyag ang librong Pakigsuod Kang Jehova. Marso 1-20: Itanyag ang librong Kahibalo uban ang tumong nga makasugod ug mga pagtuon sa Bibliya. Marso 21—Abril 17: Espesyal nga kampanya sa pagpanagtag sa brosyur nga Padayon sa Pagbantay! Abril 18—Mayo 31: Itanyag ang tagsatagsa ka kopya sa Ang Bantayanang Torre ug Pagmata! Sa dihang mobalikduaw sa interesadong mga tawo, lakip niadtong nakatambong sa Memoryal o uban pang teokratikanhong mga okasyon apan dili pa aktibong nakig-uban sa kongregasyon, ipasiugda ang pagpahimutang sa librong Simbaha ang Diyos. Ang tumong mao gayod ang pagsugod ug pagtuon sa Bibliya sa balay, ilabina uban sa mga tawong nakatuon na sa librong Kahibalo ug sa brosyur nga Gikinahanglan.
◼ Ang espesyal nga pakigpulong publiko sa 2005 ipahayag sa Dominggo, Abril 10, 2005. Ang ulohan sa maong pakigpulong maoy “Nganong si Jesus Nag-antos ug Namatay?” Itagana ang usa ka laraw. Ang mga kongregasyon nga may duaw sa magtatan-aw sa sirkito, sirkitong asembliya, o adlaw sa espesyal nga asembliya sa maong hinapos sa semana magpahigayon sa espesyal nga pakigpulong sa Abril 17, 2005. Ang mga kongregasyon nga may pakigpulong publiko sa laing adlaw gawas sa Dominggo mahimong mag-eskedyul sa espesyal nga pakigpulong sulod sa yugto sa Abril 11 ngadto sa 16, 2005.
◼ Angayng repasohon sa Sekretaryo ug sa Magtatan-aw sa Pag-alagad ang kalihokan sa tanang regular payunir sa kataposan sa Pebrero. Kon adunay naglisod sa pagkab-ot sa kinahanglanong oras, ang mga ansiyano kinahanglang mohimog kahikayan alang sa tabang. Kon ang ilang mga oras ubos kaayo nga dili na nila makab-ot ang tinuig nga kinahanglanon, nan mas maayo tingaling hunahunaon nila nga regular nga mag-oksilyare payunir na lang.
◼ Ang nagadumalang magtatan-aw o usa nga iyang gitudlo kinahanglang mag-awdit sa kuwenta sa kongregasyon sa Marso 1 o sa dili madugay nga maarangan human niana. Kon mahimo na kini, ipahibalo sa kongregasyon human mabasa ang sunod nga taho sa kuwenta.
◼ Sa Dominggo, Pebrero 20, 2005, adunay miting uban niadtong nagaplano nga mag-oksilyare payunir sulod sa mga bulan sa Marso, Abril, ug Mayo. Ang tanan gidasig sa pag-oksilyare payunir panahon sa espesyal nga kampanya sa brosyur ilabina sa Marso ug Abril. Ang magtatan-aw sa pag-alagad maoy modumala niining mitinga, nga magseguro nga dunay igoigong mga Application for Auxiliary Pioneer Service nga mabatonan aron ikaapod-apod sa tanang motambong niining mitinga.