Mga Pahibalo

◼ Tanyag nga literatura sa Oktubre: Itanyag ang tagsatagsa ka kopya sa Ang Bantayanang Torre ug Pagmata! Kon interesado, palihog itanyag ang brosyur nga Gikinahanglan. Nobyembre: Itanyag ang librong Pagkakat-on Gikan sa Dakong Magtutudlo. Kon sila moingon nga wala silay gagmayng mga anak, itanyag ang librong Kahibalo o ang tract nga Gusto Ka Bang Makabaton ug Dugang Kahibalo Bahin sa Bibliya? Disyembre: Mahimong itanyag ang bisan unsa sa mosunod nga mga libro: Ang Labing Bantogang Tawo nga Nabuhi Sukad, Ang Bibliya—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Mahimong itanyag ang bisan unsang daandaang mga libro nga napatik antes sa 1991 nga anaa sa kongregasyon. Ang mga kongregasyon nga walay daandaang mga libro mahimong magtanyag sa brosyur nga Padayon sa Pagbantay!, nga mahimong orderon gikan sa sangang buhatan.

◼ Ang mga order para sa 2006 Tinuig nga Basahon mahimo nang ipadala karon ngadto sa sangang buhatan. Aron maorder kini, nagpadala kami ug Yearbook Order Blank uban sa inyong binulang kuwentada sa Agosto. Kinahanglang pil-apan kini sa mga koordinetor ug mga alagad sa literatura ug ibalik ang orihinal ngadto sa sangang buhatan sa dili pa ang Nobyembre 15, 2005.

◼ Ang usa ka bug-os nga programa sa distritong kombensiyon para sa mga bungol gihikay sa Quezon City sa Nobyembre 4-6, 2005. Ang sign language nga mga kongregasyon ug mga grupo pahibaloon ra sa ulahi sa eksaktong dapit alang niining kombensiyona. Kinahanglang motambong si bisan kinsang bungol nga makasabot ug sign language ug gustong makabenepisyo sa maong programa, sanglit walay laing programa alang sa mga bungol ang himoon didto sa ubang mga kombensiyon.