Mga Pahibalo

◼ Tanyag nga literatura sa Marso: Atong itanyag ang bag-ong libro, Unsay Tinuod nga Gitudlo sa Bibliya? Abril ug Mayo: Tagsatagsa ka kopya sa Bantayanang Torre ug Pagmata! Sa dihang mobalikduaw sa interesadong mga tawo, lakip niadtong nakatambong sa Memoryal o sa ubang teokratikanhong mga okasyon apan dili aktibong nakig-uban sa kongregasyon, ibug-os ang pagtagad diha sa pagsugod ug mga pagtuon sa Bibliya ginamit ang libro nga Unsay Tinuod nga Gitudlo sa Bibliya? Hunyo: Itanyag ang librong Pagkakat-on Gikan sa Dakong Magtutudlo. Kon ang mga tawo moingon nga sila walay mga anak, itanyag ang librong Kalipay sa Pamilya.

◼ Kay ang Abril aduna may lima ka Sabado ug lima ka Dominggo, kini maoy maayo kaayong bulan sa pag-oksilyare payunir. Ang mga magmamantala nga gustong mag-oksilyare payunir sa Abril angayng magplano na karon ug maghatag dayon sa ilang mga aplikasyon. Kini makatabang sa mga ansiyano sa paghimog gikinahanglang mga kahikayan sa pag-alagad sa kanataran ug sa pagbaton ug igong mga magasin nga ilang magamit. Ang mga ngalan niadtong naaprobahan ingong mga oksilyare payunir kinahanglang ipahibalo sa kongregasyon.

◼ Ang Memoryal saulogon sa Miyerkoles, Abril 12, 2006. Kon ang inyong kongregasyon naandan nang magtigom sa Miyerkoles, kini ibalhin ngadto sa laing adlaw sa semana. Ang tanan gidasig sa pagbasa sa gisugyot nga mga bahin sa Bibliya sumala sa gieskedyul diha sa 2006 Calendar ug sa Pagsusi sa Kasulatan sa Adlaw-Adlaw, nga magsugod sa Abril 7 ug matapos sa adlaw sa Memoryal, Abril 12.

◼ Ang mga kongregasyon kinahanglang magpagawas dayon sa kinabag-ohang mga gula sa Ang Bantayanang Torre ug Pagmata! sa dihang madawat na kini gikan sa sangang buhatan. Kini makapaarang sa mga magmamantala sa pagsinati sa kaundan niini sa dili pa kini itanyag sa kanataran. Ang Atong Ministeryo sa Gingharian kinahanglang ipagawas usab dayon sa dihang madawat na kini. Mahimo kining iapod-apod pinaagi sa mga Pagtuon sa Libro sa Kongregasyon.

◼ Kon magplano ka nga motambong sa mga tigom sa kongregasyon, asembliya, o distritong kombensiyon sa laing nasod, ang imong hangyo alang sa impormasyon maylabot sa mga petsa, oras, ug lugar kinahanglang ipadala ngadto sa sangang buhatan nga nagdumala sa buluhaton nianang nasora. Ang mga adres sa mga sangang buhatan gilista sa kataposang panid sa kinabag-ohang Tinuig nga Basahon.

◼ Ang video nga Noah—He Walked With God pagahisgotan sa Tigom sa Pag-alagad sa Mayo. Kon gikinahanglan, ang mga kopya mahimong orderon sa sangang buhatan. Palihog ipaila kon kaha VHS o DVD ang giorder.

◼ Bag-ong mga Audiocassette nga Mabatonan:

What Does the Bible Really Teach? (5 ka teyp)—Iningles

◼ Bag-ong mga Compact Disc nga Mabatonan:

What Does the Bible Really Teach? (7 ka CD)—Iningles