Mga Pahibalo
◼ Tanyag nga literatura sa Mayo: Indibiduwal nga mga kopya sa Bantayanang Torre ug Pagmata! Sa dihang mobalik-duaw sa mga interesado, apil kadtong nakatambong ug Memoryal o ubang teokratikanhong mga okasyon apan dili aktibong nakig-uban sa kongregasyon, ibug-os ang pagtagad diha sa pagsugod ug mga pagtuon sa Bibliya nga gamiton ang librong Unsay Tinuod nga Gitudlo sa Bibliya? Hunyo: Itanyag ang librong Pagkakat-on Gikan sa Dakong Magtutudlo. Kon moingon ang mga tawo nga wala silay mga anak, itanyag ang librong Kalipay sa Pamilya. Hulyo ug Agosto: Ang bisan unsang brosyur ikatanyag.
◼ Ang nagadumalang magtatan-aw o ang usa nga iyang itudlo mag-awdit sa kuwenta sa kongregasyon sa Hunyo 1 o sa labing madaling panahon pagkatapos niana. Sa dihang kini nahimo na, ipahibalo kini sa kongregasyon human mabasa ang sunod nga taho sa kuwenta.
◼ Sa sunod pipila ka bulan among ipadala kaninyo pinaagig consignment ang mga porma nga kinahanglanon sa inyong kongregasyon sulod sa umaabot nga tuig sa pag-alagad. Kon adunay ubang mga porma nga inyong kinahanglanon, kini maorder sa naandang paagi, nga gamiton ang Literature Request Form (S-14). Ang mga porma ipadala nga walay bayad, apan ang mga kongregasyon sa walay duhaduha buot mohatag ug kasarangang kantidad ingong amot alang sa tibuok-kalibotang buluhaton aron makatabang sa gastos sa pag-imprenta ug sa pagpadala. Palihog matikdi nga ang mga badge card alang sa 2006 Distritong mga Kombensiyon ilakip diha sa consignment sa mga porma, busa dili na kinahanglang orderon kini gawas kon inyong madiskobrehan nga kulang ang gidaghanon nga among gipadala kaninyo. Apan kinahanglang orderon ninyo ang mga celluloid badge holder diha sa naandang Literature Request Form (S-14).
◼ Kinahanglang huptan sa sangang buhatan ang hustong rekord sa mga adres ug mga numero sa telepono sa tanang nagadumalang mga magtatan-aw ug mga sekretaryo. Kon adunay kausaban sa bisan unsang panahon, ang Komite sa Pag-alagad sa Kongregasyon angayng magpil-ap, magpirma, ug magpadala dayon sa pormang Presiding Overseer/Secretary Change of Address (S-29) ngadto sa sangang buhatan. Apil usab niini ang bisan unsang kausaban sa mga area code sa telepono.