Mga Pahibalo

◼ Tanyag nga literatura sa Marso: Itanyag ang librong Gitudlo sa Bibliya ug paningkamoting makasugod ug mga pagtuon sa Bibliya. Abril ug Mayo: Itanyag ang tagsatagsa ka kopya sa Ang Bantayanang Torre ug Pagmata! Sa dihang magbalikduaw sa interesadong mga tawo, lakip niadtong nakatambong sa Memoryal apan dili aktibong nakig-uban sa kongregasyon, paningkamoting mapahimutang ang librong Gitudlo sa Bibliya uban ang tumong nga makasugod ug pagtuon sa Bibliya. Hunyo: Itanyag ang librong Kalipay sa Pamilya.

◼ Gidasig namo ang tanang nagplano nga mag-oksilyare payunir sa Abril sa pagplano na karon ug paghatag ug sayo sa ilang mga aplikasyon. Makatabang kini sa mga ansiyano sa paghimog gikinahanglang mga kahikayan sa pag-alagad sa kanataran ug sa pagbaton ug igong suplay sa mga magasin nga ilang ikatanyag. Ang mga ngalan niadtong maaprobahan ingong mga oksilyare payunir kinahanglang ipahibalo sa kongregasyon aron madasig ang uban sa pagduyog kanila niining linaing bulan sa kalihokan.

◼ Gidasig ang tanan sa pagbasa sa gisugyot nga mga bahin sa Bibliya nga gieskedyul diha sa 2007 Calendar ug sa Pagsusi sa Kasulatan sa Adlaw-Adlaw, nga magsugod sa Miyerkoles, Marso 28 hangtod sa Martes, Abril 3, 2007. Kining mga asoya naghisgot sa mga hitabo sa hinapos nga mga adlaw ni Jesus dinhi sa yuta gikan sa Nisan 9 hangtod sa 14, 33 K.P.

◼ Sa pag-awdit sa mga kuwentada niining bulana segun sa gipahibalo sa Pebrero nga Atong Ministeryo sa Gingharian, paneguroon sa nagadumalang magtatan-aw nga ang pag-awdit magkobre sa mga bulan sa Disyembre, Enero, ug Pebrero.—Tan-awa ang Instructions for Congregation Accounting (S-27).

◼ Kinahanglang ipagawas dayon sa mga kongregasyon ang kinabag-ohang mga gula sa Ang Bantayanang Torre ug Pagmata! kon madawat na kini. Pinaagi niini, masinati una sa mga magmamantala ang kaundan niini sa dili pa kini itanyag sa kanataran. Kinahanglang ipagawas usab dayon ang Atong Ministeryo sa Gingharian sa dihang madawat na kini. Kini mahimong iapod-apod diha sa mga Pagtuon sa Libro sa Kongregasyon.

◼ Kon nagplano ka nga motambong sa mga tigom sa kongregasyon, asembliya, o distritong kombensiyon sa laing nasod, ang imong hangyo alang sa impormasyon maylabot sa mga petsa, oras, ug lugar kinahanglang ipadala ngadto sa sangang buhatan nga nagdumala sa buluhaton nianang nasora. Ang mga adres sa mga sangang buhatan gilista sa kataposang panid sa kinabag-ohang Tinuig nga Basahon.

◼ Bag-ong Publikasyon nga Mabatonan:

Bag-ong Kalibotang Hubad sa Balaang Kasulatan—Humok-ug-hapin nga edisyon