Mga Pahibalo

◼ Tanyag nga literatura sa Mayo: Itanyag ang tagsatagsa ka kopya sa Ang Bantayanang Torre ug Pagmata! Sa dihang magbalikduaw sa interesadong mga tawo, lakip niadtong nakatambong sa Memoryal apan dili aktibong nakig-uban sa kongregasyon, paningkamoting mapahimutang ang librong Gitudlo sa Bibliya uban ang tumong nga makasugod ug pagtuon sa Bibliya. Hunyo: Itanyag ang librong Kalipay sa Pamilya. Hulyo ug Agosto: Mahimong itanyag ang bisan unsang brosyur.

◼ Sa mosunod nga pipila ka bulan, kami magpadala kaninyo ug suplay sa mga porma nga inyong gikinahanglan sa kongregasyon sulod sa umaabot nga tuig sa pag-alagad. Kon nanginahanglan kamog uban pang mga porma, kini mahimong orderon sa naandang paagi, ginamit ang Literature Request Form (S-14). Ang mga porma ipadala nga walay bayad, apan sa walay duhaduha ang mga kongregasyon buot mohatag ug makataronganong amot alang sa tibuok-kalibotang buluhaton aron maabagan ang mga galastohan sa pag-imprenta ug pagpadala. Palihog matikdi nga ang mga badge card alang sa 2007 nga Distritong mga Kombensiyon ilakip diha sa suplay sa mga porma, busa dili na kinahanglang orderon kini gawas kon inyong makaplagan nga kulang ang gidaghanon sa gipadala kaninyo. Apan, kinahanglan ninyong orderon ang mga plastik nga butanganan sa badge card diha sa naandang Literature Request Form (S-14).

◼ Kinahanglang repasohon sa mga lawas sa mga ansiyano ang sulat nga pinetsahan ug Hulyo 6, 2006, bahin sa pagkahimong andam panahon sa katalagman ug paneguroon nila nga aduna silay kinaulahiang mga impormasyon sa pagkontak sa matag magmamantala. Labing maayo kon pahibaloon sa mga magmamantala ang ilang magtatan-aw sa Pagtuon sa Libro sa Kongregasyon o ang laing ansiyano kon sila mahilayo sulod sa taastaas nga panahon, sama pananglitan kon magbiyahe kay nagbakasyon o tungod sa negosyo, kon naospital, ug uban pa.

◼ Ang materyal para sa nagatudlong mga pakigpulong nga gipasukad sa “Ang Tibuok Kasulatan Dinasig sa Diyos ug Mapuslanon” nga kobrehan niining tuiga diha sa Teokratikanhong Tunghaan sa Ministeryo gipatik na ingong brosyur aron magamit sa tanang Bicol, Hiligaynon, Pangasinan, ug Samar-Leyte nga mga kongregasyon. Ang maong brosyur may ulohan nga “All Scripture”—Authentic and Beneficial ug ang pinamubong simbolo niini maoy bsi. Kami nagpadala ug igong suplay niini aron ang matag magmamantala makabaton ug tagsa ka kopya.

◼ Bag-ong DVD nga Mabatonan:

Organized to Share the Good News ug Whole Association of Brothers—On DVD—Iningles (Duha ka video sa usa ka DVD. Ang unang video maoy rebisyon sa video nga Jehovah’s Witnesses—The Organization Behind the Name.)