Mga Pahibalo

◼ Tanyag nga literatura sa Hulyo ug Agosto: Mahimong itanyag ang bisan unsang brosyur; apan maayong magdala kanunay ug brosyur nga Gikinahanglan aron makasugod dayon ug mga pagtuon sa Bibliya kon may kahigayonan. Septiyembre: Unsay Tinuod nga Gitudlo sa Bibliya? Paningkamoting makasugod ug mga pagtuon sa Bibliya sa unang duaw. Kon aduna na niining libroha ang mga tagbalay, ipakita kon sa unsang paagi mapahimuslan nila kini pinaagi sa pagpasundayag ug mubong pagtuon sa Bibliya. Oktubre: Ang Bantayanang Torre ug Pagmata! Kon interesado, ipakita ug hisgoti ang tract nga Gusto Ka Bang Makabaton ug Dugang Kahibalo Bahin sa Bibliya? uban ang tumong nga makasugod ug pagtuon sa Bibliya.

◼ Sa Sabado, Agosto 25, 2007, adunay linangkob nga pagpanghinlo sa Puy-anang Bethel sa Quezon City, busa ang opisina sirado nianang buntaga ug walay tour nga pagahimoon nianang adlawa. Ang kuhaanan ug literatura sirado usab nianang buntaga.

◼ Sanglit ang Septiyembre aduna may lima ka Sabado ug lima ka Dominggo, maayo kining bulana alang sa pag-oksilyare payunir.

◼ Sugod sa unang semana sa Septiyembre, ang mga magtatan-aw sa sirkito mohatag sa pakigpulong publiko nga nag-ulohang “Ang Bag-ong Kalibotan sa Diyos—Kinsay Takos nga Makasulod?”

◼ Ang tinuig nga imbentaryo sa tanang literatura ug mga magasin kinahanglang himoon sa Agosto 31, 2007, o labing duol nianang petsaha. Kini nga imbentaryo maoy susama sa aktuwal nga pag-ihap nga himoon matag bulan sa koordinetor sa literatura, ug ang mga total kinahanglang itala diha sa Literature Inventory (S-18) nga porma. Ang total nga gidaghanon sa nahibiling mga magasin mahimong kuhaon gikan sa (mga) alagad sa magasin. Ang sekretaryo sa nagahikay nga kongregasyon mao ang magdumala sa maong pag-imbentaryo. Siya ug ang nagadumalang magtatan-aw sa nagahikay nga kongregasyon mao ang mopirma sa maong porma. Ang matag nagahikay nga kongregasyon makadawat ug tulo ka porma sa Literature Inventory duyog sa literatura nga ipadala sa Hunyo. Palihog ipadala ang orihinal ngadto sa sangang buhatan nga dili maulahi sa Septiyembre 6, 2007. Paghupot ug kopya para sa inyong mga payl. Ang ikatulong kopya mahimong gamiton sa pasiunang pag-imbentaryo.

◼ Bag-ong Compact Disc nga Mabatonan:

Watchtower Library—2006 nga Edisyon sa CD-ROM