Mga Pahibalo
◼ Tanyag nga literatura sa Enero: Mahimong itanyag ang bisan unsang 192-panid nga libro nga gipatik una pa sa 1991. Ang mga kongregasyon nga walay suplay niining mga libroha makatanyag sa librong Kahibalo (kon mabatonan) o sa brosyur nga Padayon sa Pagbantay! Pebrero: Mahimong itanyag ang librong Life—How Did It Get Here? By Evolution or by Creation? o ang Kalipay sa Pamilya nga libro. Marso: Itanyag ang librong Unsay Tinuod nga Gitudlo sa Bibliya? uban ang tumong nga makasugod ug mga pagtuon sa Bibliya. Abril ug Mayo: Itanyag ang publikong edisyon sa Ang Bantayanang Torre ug ang Pagmata! Sa dihang magbalikduaw sa mga interesado, himoang tumong nga makasugod ug pagtuon sa Bibliya gamit ang librong Gitudlo sa Bibliya.
◼ Sanglit ang Marso dunay lima ka hinapos sa semana, maayo kaayo kini nga bulan alang sa pag-oksilyare payunir.
◼ Sanglit ang Abril ug Mayo maoy espesyal nga mga bulan alang sa pagpanagtag ug magasin ug daghan usab ang mag-oksilyare payunir, ang magtatan-aw sa kanataran ug ang alagad sa magasin angayng magkonsiderar sa pag-order ug dugang mga magasin alang sa kampanya. Palihog sa pagpadala sa inyong espesyal nga order sa Pebrero 15, 2008. Sa ingon madawat usab ninyo ang dugang mga magasin uban sa inyong regular nga order matag bulan. Sa dihang mag-order, gamita ang bag-ong porma nga M-202 Magazine Request Form nga gipetsahag 6/07 ilawom sa ulohang “Specific Magazine Issues.”
◼ Angayng mohimog mga kahikayan ang mga kongregasyon sa pagsaulog sa Memoryal niining tuiga human sa pagsalop sa adlaw sa Sabado, Marso 22, 2008. Bisan pag ang pakigpulong mahimong sugdan nga mas sayo, ang pagpasa sa mga emblema sa Memoryal kinahanglang dili sugdan hangtod nga dili mosalop ang adlaw. Bisan pag maayo kon ang matag kongregasyon maghimog kaugalingong pagsaulog sa Memoryal, basin dili kini posible sa tanang panahon. Kon daghang kongregasyon ang naggamit sa samang Kingdom Hall, mahimong mogamit ug laing pasilidad ang usa o mas daghang kongregasyon alang nianang gabhiona. Kon posible, isugyot namo ang labing menos 40 minutos nga kal-ang sa mga programa aron ang tanan bug-os makabenepisyo sa maong okasyon.
◼ Ang espesyal nga pakigpulong publiko alang sa tuig 2008 igahatag sugod sa semana sa Marso 31, 2008, nga nagpasabot nga kadaghanan sa mga kongregasyon maghimo niini sa Abril 6, 2008. Ang tema sa maong pakigpulong maoy “Kinsa ang Takos Magmando sa Katawhan?” Kadtong mga kongregasyon nga adunay duaw sa magtatan-aw sa sirkito o asembliya nianang semanaha maghimo sa espesyal nga pakigpulong sa mosunod nga semana. Walay kongregasyon nga maghimog espesyal nga pakigpulong sa dili pa ang Marso 31.
◼ Sugod sa Marso 2008, ang tema sa bag-ong pakigpulong publiko sa mga magtatan-aw sa sirkito panahon sa duaw sa mga kongregasyon maoy “Unsay Nagpamatuod nga ang Bibliya Tinuod?”
◼ Sugod sa semana sa Agosto 4, 2008, ang Cebuano, Iloko, ug Tagalog nga mga kongregasyon magtuon sa librong Pagkinabuhi nga Naghunahuna sa Adlaw ni Jehova diha sa CBS. Ang Bicol, Hiligaynon, Pangasinan, ug Samar-Leyte nga mga kongregasyon magtuon sa librong Ang Sekreto sa Kalipay sa Pamilya sugod sa samang petsa.