Mga Pahibalo

◼ Tanyag nga literatura sa Marso: Unsay Tinuod nga Gitudlo sa Bibliya? Paningkamoti nga makasugod ug mga pagtuon sa Bibliya. Abril ug Mayo: Ang edisyon para sa publiko sa Ang Bantayanang Torre ug Pagmata! Sa dihang magbalikduaw sa mga interesado, paningkamoti nga makasugod ug mga pagtuon sa Bibliya ginamit ang librong Gitudlo sa Bibliya. Hunyo: Unsay Tinuod nga Gitudlo sa Bibliya? Paningkamoti nga makasugod ug mga pagtuon sa Bibliya.

◼ Ang itudlo sa nagadumalang magtatan-aw angayng mag-awdit sa kuwenta sa kongregasyon alang sa mga bulan sa Disyembre, Enero, ug Pebrero. Sa matag pag-awdit, mas maayo kon magpulipuli ang gitudlo nga mga igsoon sa paghimo niana. Human sa pag-awdit, kinahanglang ipahibalo kini sa kongregasyon human mabasa ang sunod nga taho sa kuwenta.—Tan-awa ang Instructions for Congregation Accounting (S-27).

◼ Ang tanan gipahinumdoman nga basahon ang gisugyot nga mga bahin sa Bibliya sumala sa naeskedyul sa 2008 Calendar ug sa Pagsusi sa Kasulatan sa Adlaw-Adlaw, nga magsugod sa Lunes, Marso 17 hangtod sa Dominggo, Marso 23, 2008.

◼ Giawhag ang tanan nga gustong mag-oksilyare payunir sa Abril nga magplano na karon ug itunol ang ilang mga aplikasyon nga sayo. Makatabang kini sa mga ansiyano sa paghimog gikinahanglang mga kahikayan sa pagsangyaw ug sa pag-order ug igong mga magasin nga ilang magamit. Ang maaprobahan sa pag-oksilyare payunir kinahanglang ipahibalo sa kongregasyon aron nga ang uban madasig sa pagduyog kanila niining espesyal nga bulan sa kalihokan.

◼ Ang tema sa 2008 nga distritong kombensiyon maoy “Giniyahan sa Espiritu sa Diyos.”

◼ Ang mga kongregasyon kinahanglang magpagawas dayon sa kinabag-ohang mga gula sa Ang Bantayanang Torre ug Pagmata! kon madawat na kini. Pinaagi niini, masinati sa mga magmamantala ang kaundan sa mga magasin sa dili pa kini itanyag sa kanataran.

◼ Bag-ong DVD nga Mabatonan:

To the Ends of the Earth ug United by Divine Teaching—On DVD. (Duha ka video sa usa ka DVD.)