Mga Pahibalo

◼ Tanyag nga literatura sa Hulyo ug Agosto: Mahimong itanyag ang lainlaing brosyur; apan maayong magdala kanunay ug brosyur nga Gikinahanglan aron makasugod ug mga pagtuon sa Bibliya kon may kahigayonan. Septiyembre: Unsay Tinuod nga Gitudlo sa Bibliya? Paningkamoting makasugod ug mga pagtuon sa unang duaw. Kon aduna na niining libroha ang mga tagbalay, ipakita kon sa unsang paagi mapahimuslan nila kini pinaagi sa pagpasundayag ug mubong pagtuon sa Bibliya. Oktubre: Ang Bantayanang Torre ug Pagmata! Kon interesado, ipakita ug isaysay ang unod sa tract nga Gusto Ka Bang Makakat-on ug Dugang Kahibalo Bahin sa Bibliya?

◼ Sanglit ang Agosto adunay lima ka Sabado ug Dominggo, maayo kaayo kini nga bulan alang sa pag-oksilyare payunir.

◼ Sugod sa Septiyembre, ang mga magtatan-aw sa sirkito mohatag sa pakigpulong publiko nga nag-ulohang “Lakaw Diha sa Dalan sa Integridad.”

◼ Ang sangang buhatan dili magpadalag mga order sa literatura sa tagsatagsa ka magmamantala. Hikayon sa nagadumalang magtatan-aw nga ipahibalo matag bulan sa dili pa ipadala sa sangang buhatan ang mga order sa literatura aron ang tanang buot makabatog personal nga literatura makapahibalo sa brader nga nagdumala niini. Palihog hinumdomi kon unsang mga publikasyona ang special-request.

◼ Ang tinuig nga imbentaryo sa tanang literatura ug mga magasin kinahanglan himoon sa Agosto 31, 2008, o labing duol nianang petsaha. Kini nga imbentaryo maoy susama sa aktuwal nga pag-ihap nga himoon matag bulan sa koordinetor sa literatura, ug ang mga total kinahanglang itala diha sa Literature Inventory (S-18) nga porma. Ang total nga gidaghanon sa nahibiling mga magasin mahimong kuhaon gikan sa (mga) alagad sa magasin. Ang sekretaryo sa nagahikay nga kongregasyon mao ang magdumala sa maong pag-imbentaryo. Siya ug ang nagadumalang magtatan-aw sa nagahikay nga kongregasyon mao ang mopirma sa porma. Ang matag nagahikay nga kongregasyon makadawat ug tulo ka porma sa Literature Inventory. Palihog ipadala ang orihinal ngadto sa sangang buhatan nga dili maulahi sa Septiyembre 6. Paghupot ug kopya para sa inyong mga payl. Ang ikatulong kopya mahimong gamiton sa pasiunang pag-imbentaryo.

◼ Sa Sabado, Agosto 30, 2008, adunay linangkob nga pagpanghinlo sa Puy-anang Bethel sa Quezon City, busa sirado ang opisina nianang buntaga ug walay tour nga pagahimoon nianang adlawa. Ang kuhaanag literatura sirado usab nianang buntaga.