Mga Pahibalo

◼ Tanyag nga literatura sa Nobyembre 1-16: Espesyal nga pagpanagtag sa tract nga Gusto Ka Bang Mahibalo sa Kamatuoran? Nobyembre 17-30: Unsay Tinuod nga Gitudlo sa Bibliya? Disyembre: Itanyag ang librong Ang Labing Bantogang Tawo nga Nabuhi Sukad. Kon ang tagbalay adunay mga anak, itanyag ang Pagkakat-on Gikan sa Dakong Magtutudlo. Enero: Itanyag ang daan-daang mga libro nga anaa sa estak, sama sa Kahibalo, Mabuhing Walay Kataposan, o Nahiusa sa Pagsimba. Ang bisan unsang libro nga gipatik una pa sa 1991 mahimong itanyag. Kon wala kamo nianang mga libroha, itanyag ang librong Gitudlo sa Bibliya. Pebrero: Depende sa inyong estak, mahimong itanyag ang bisan hain sa librong, Is There a Creator Who Cares About You?, Ang Sekreto sa Kalipay sa Pamilya, o Ang Bibliya​—Pulong sa Diyos o sa Tawo?

◼ Pahibalo alang sa nagadumalang magtatan-aw ug sa magtatan-aw sa Teokratikanhong Tunghaan sa Ministeryo: Ang bag-ong eskedyul sa tigom sa kongregasyon magsugod sa semana sa Disyembre 29, 2008, ug ang kausaban sa eskedyul nianang semanaha makita diha sa Disyembre 2008 nga Atong Ministeryo sa Gingharian. Sa dihang dumalahon ang Repaso sa Teokratikanhong Tunghaan sa Ministeryo nianang semanaha, tinoa nga masunod ang instruksiyon diha sa ulohang Repaso sa Teokratikanhong Tunghaan sa Ministeryo nga makita diha sa Eskedyul sa Teokratikanhong Tunghaan sa Ministeryo sa 2009. Wala nay hiyas sa pagpanulti sa maong tigom.

◼ Ang mga donasyon nga tseke alang sa tibuok kalibotang buluhaton nga ihulog diha sa distritong mga kombensiyon o direktang ipadala ngadto sa sangang buhatan angayng himoon nga payable to “Watch Tower Society.”

◼ Ang video nga No Blood​—Medicine Meets the Challenge hisgotan sa Tigom sa Pag-alagad sa Enero. Kon wala pa kamo niini, mahimo ninyo kining orderon pinaagi sa kongregasyon ug angay nga ipadala dayon ang maong order.

◼ Sugod sa Enero 1, 2009, ang terminong “nagadumalang magtatan-aw” dili na gamiton. Kini pulihan na ug “koordinetor sa lawas sa mga ansiyano.”