Repaso sa Teokratikanhong Tunghaan sa Ministeryo

Ang mosunod nga mga pangutana pagatagdon sa Teokratikanhong Tunghaan sa Ministeryo sa semana nga magsugod sa Pebrero 23, 2009. Dumalahon sa magtatan-aw sa tunghaan ang 20-minutos nga repaso pinasukad sa materyal nga gikobrehan sa mga asaynment sa mga semana sa Enero 5 hangtod sa Pebrero 23, 2009.

1. Giunsa pagpatungha sa Diyos ang kahayag sa unang adlaw kon ang mga banwag​—ang adlaw, bulan, ug mga bituon—​wala pa himoa hangtod sa ikaupat nga adlaw? (Gen. 1:3, 16) [w04 1/1 p. 28 par. 5]

2. Nganong wala sultihi ni Jehova si Noe nga gamhan ang yuta sama sa iyang gisulti kang Adan? (Gen. 9:1) [it-2-E p. 1095 par. 6]

3. Kanus-a gipatuman ang Abrahamikong Pakigsaad, ug kanus-a kini matapos? (Gen. 12:1-4) [w04 1/15 p. 26 par. 4; w01 8/15 p. 17 par. 13]

4. Unsay pamatuod nga si Nimrod ug ang iyang mga sumusunod napakyas sa ilang tumong sa paghimog ‘bantog nga ngalan alang sa ilang kaugalingon’? (Gen. 11:4) [w98 3/15 p. 25]

5. Sanglit si Lot gitawag ug “matarong” nga tawo diha sa 2 Pedro 2:7, nganong iyang gitanyag ang iyang mga anak nga babaye ngadto sa imoral nga panon? (Gen. 19:8) [w05 2/1 p. 26 par. 15-16; w04 1/15 p. 27 par. 3]

6. Sanglit ang Kristohanong mga bana angayng mag-atiman sa ilang pamilya, nganong gipalayas man ni Abraham si Hagar ug Ismael ngadto sa kamingawan? (Gen. 21:10-21; 1 Tim. 5:8) [w88 2/15 p. 31]

7. Unsang leksiyon ang atong makat-onan sa mga paningkamot ni Eliezer nga magpagiya kang Jehova sa pagpangitag asawa alang kang Isaac? (Gen. 24:14, 15, 17-19, 26, 27) [w97 1/1 p. 31 par. 2]

8. Unsay kahulogan sa damgo ni Jacob diin iyang nakita ang mga manulonda nga ‘nagsaka-kanaog sa hagdanan’? (Gen. 28:10-13) [w03 10/15 p. 29 par. 1; it-2-E p. 189]

9. Nganong interesado gayod si Raquel nga maangkon ang mandragora sa anak nga lalaki ni Lea? (Gen. 30:14, 15) [w04 1/15 p. 28 par. 6]

10. Sa unsang paagi si Jacob nagpakitag ehemplo sa pagsulbad sa panagbingkil? (Gen. 33:3, 4) [g82-E 2/22 p. 19 par. 8-10]