Pahibalo

◼ Tanyag sa Enero: Unsay Tinuod nga Gitudlo sa Bibliya? Kon duna na niini ang tagbalay, itanyag ang bisan unsang 192-panid nga libro nga gipatik una pa ang 1995. Pebrero: Mahimong itanyag ang Sekreto sa Kalipay sa Pamilya o Ang Bibliya—Pulong sa Diyos o sa Tawo? Marso: Unsay Tinuod nga Gitudlo sa Bibliya? Abril ug Mayo: Ang Bantayanang Torre ug Pagmata!

◼ Ang Memoryal niining tuiga saulogon sa Dominggo, Abril 17, 2011, human sa pagsalop sa adlaw. Ang mga tigom sa Dominggo himoon sa laing adlaw aron Memoryal lang ang ipahigayon sa Abril 17 gawas sa mga tigom alang sa pagsangyaw. Angayng ipasibo sa mga magtatan-aw sa sirkito ang ilang eskedyul niining semanaha depende sa lokal nga kahimtang. Ang mga imbitasyon ipadala ra sa matag kongregasyon aron maimbitahan ang tanan sa inyong teritoryo.

◼ Ang espesyal nga pakigpulong niining tuiga pagahimoon sa semana sa Abril 25, 2011, diin ipahayag kini sa kadaghanang kongregasyon sa Dominggo, Mayo 1, 2011. Ang ulohan niini maoy “Mga Prinsipyo sa Bibliya—Makatabang ba Kini Kanato sa Pagsagubang sa mga Problema Karon?” Ang mga kongregasyon nga dunay duaw sa magtatan-aw sa sirkito o asembliya nianang semanaha, magpahigayon niini sa sunod nga semana. Dili kini ipahayag una pa ang Abril 25.

◼ Sugod sa Marso, ang bag-ong pakigpulong publiko sa mga magtatan-aw sa sirkito mao ang “Sa Unsang Paagi ang Kamatuoran Makaapektar sa Imong Kinabuhi?”