Pahibalo

◼ Tanyag sa Mayo: Ang Bantayanang Torre ug Pagmata! Kon interesado, itanyag ang tract nga Gusto Ka Bang Mahibalo sa Kamatuoran? ug paningkamoting masugdan ang pagtuon sa Bibliya. Sa pagbalikduaw sa mga nanambong sa Memoryal, sugdi sila sa pagtuon gamit ang librong Gitudlo sa Bibliya. Hunyo: Unsay Tinuod nga Gitudlo sa Bibliya? Paningkamoting masugdan ang pagtuon sa unang pagduaw. Kon ang tagbalay duna nay libro, mahimong itanyag ang Kahibalo nga Motultol sa Kinabuhing Walay Kataposan o Simbaha ang Bugtong Matuod nga Diyos kon may estak pa niini. Hulyo ug Agosto: Bisan unsang brosyur. Apan mas maayong itanyag ang bag-ong mga brosyur nga Gilalang ba ang Kinabuhi? ug ang The Origin of Life.

◼ Sa mosunod nga mga bulan, magpadala kamig mga porma nga inyong magamit sa sunod tuig. Kon magkinahanglan mog laing mga porma, mahimo kanang orderon gamit ang Literature Request Form (S-14). Palihog matikdi nga ang badge card sa 2011 nga Distritong Kombensiyon ilakip niining mga pormaha, busa dili na mag-order gawas kon kulang ang gipadala. Apan angayng orderon ang plastik nga butanganan kon gikinahanglan.

◼ Bag-ong Compact Disc:

Sing to Jehovah—Vocal—on CD, Disc 2—English (19 ka gikanta nga bag-ong awit)