Pahibalo

◼ Tanyag sa Enero: Unsay Tinuod nga Gitudlo sa Bibliya? Paningkamoting makasugod ug pagtuon sa Bibliya sa unang duaw. Kon duna na niining libroha ang tagbalay o dili gustong magtuon sa Bibliya, itanyag ang daandaang magasin o bisan unsang brosyur nga makapainteres kaniya. Pebrero: Itanyag ang usa niini: Is There a Creator Who Cares About You?, Ang Sekreto sa Kalipay sa Pamilya, Ang Bibliya—Pulong sa Diyos o sa Tawo? Marso: Unsay Tinuod nga Gitudlo sa Bibliya? Abril ug Mayo: Bantayanang Torre ug Pagmata!

◼ Ang mga tigom nga sagad himoon sa Huwebes, Abril 5, 2012 kinahanglang himoon sa laing adlaw aron masaulog ang Memoryal human sa pagsalop sa adlaw.

◼ Espesyal nga Pakigpulong: Kini ang ulohan sa espesyal nga pakigpulong publiko sa semana sa Abril 2, 2012: “Duol na ba Gayod ang Kataposan?” Walay kongregasyon nga maghimo niini sa dili pa ang Memoryal sa Abril 5.

◼ Sugod sa Pebrero, ipahayag sa mga magtatan-aw sa sirkito ang bag-ong pakigpulong publiko nga “Misalig Ka ba Kang Jehova?”

◼ Sugod sa gula sa Pebrero 1, 2012, ang publikong edisyon nga Ang Bantayanang Torre may bag-ong serye nga nag-ulohang “Akong Leksiyon sa Bibliya.” Kini gidisenyo nga gamiton sa mga ginikanan uban sa ilang mga anak nga tres anyos ug paubos. Kini magpulipuli uban sa mga serye nga “Tudloi ang Inyong mga Anak” ug “Alang sa mga Batan-on.”