Pahibalo

◼ Tanyag sa Pebrero: Mahimong itanyag ang usa sa mosunod nga 32-panid nga mga brosyur: Tinuod Bang May Pagtagad ang Diyos Kanato?, Unsa ang Katuyoan sa Kinabuhi?, o Ikaw Mahimong Higala sa Diyos! Kon interesado, paningkamoting makasugod ug pagtuon sa Bibliya gamit ang bisan hain niini nga mga brosyur. Dihang magbalikduaw, ipakita ang librong Gitudlo sa Bibliya ug paningkamoting makasugod ug regular nga pagtuon. Marso ug Abril: Ang Bantayanang Torre ug Pagmata! Dihang magbalikduaw, itanyag ang librong Gitudlo sa Bibliya o, kon mas haom, ang brosyur nga Pamati sa Diyos ug Mabuhi Ka sa Walay Kataposan, ug paningkamoting makasugod ug pagtuon. Mayo ug Hunyo: Mahimong itanyag ang usa sa mga tract: Si Jehova—Kinsa ba Siya?, Kinsa Gayod ang Nagamando sa Kalibotan?, Kon Nganong Ikaw Makasalig sa Bibliya, o Gusto Ka Bang Mahibalo sa Kamatuoran? Kon interesado, ipasundayag ang pagtuon sa Bibliya gamit ang librong Gitudlo sa Bibliya o ang brosyur nga Pamati sa Diyos ug Mabuhi Ka sa Walay Kataposan.

◼ Sa Dominggo, Pebrero 17, human sa Pagtuon sa Bantayanang Torre, dunay mubong miting alang sa tanang nagplano nga mag-oksilyare payunir sa Marso, Abril, ug Mayo. Dumalahon kini sa magtatan-aw sa pag-alagad, ug iyang paneguroon nga may igong aplikasyon nga ikahatag sa mga manambong.

◼ Ang espesyal nga pakigpulong publiko sa 2013 nga Memoryal nag-ulohang “Kamatayon ba ang Kataposan sa Tanan?” Kini ipahayag sa semana sa Abril 1, 2013.

◼ Dunay bag-ong laraw sa pakigpulong sa Memoryal ug kini angayng gamiton sa mamumulong sugod sa 2013. Kini nag-ulohang “Pabilhi ang Nahimo ni Kristo Alang Kanimo!”