Himoang Regular ang Imong Pagtuon sa Bibliya​—Unsaon?

Gusto ba nimong magmatinumanon bisan sa pagsulay, sama kang Daniel? Si Daniel regular nga nagtuon sa Pulong sa Diyos, apil sa lawom nga mga tagna. (Dan 9:2) Ang regular nga pagtuon sa Bibliya makatabang nimo nga magpabiling matinumanon. Sa unsang paagi? Makapalig-on ni sa imong pagsalig nga matuman gyod ang mga saad ni Jehova. (Jos 23:14) Makatabang sab ni aron modako ang imong gugma sa Diyos, nga magdasig nimo sa pagbuhat kon unsay husto. (Sal 97:10) Pero unsay makatabang aron mahimong regular ang imong pagtuon sa Bibliya? Niay pipila ka sugyot.

• Unsay akong tun-an? Apil sa maayong rutina sa pagtuon mao ang pagpangandam sa mga tigom. Makabenepisyo ka sa senemanang pagbasa sa Bibliya kon mag-research ka sa mga punto nga wala nimo masabti. Ang uban nagtuon sab bahin sa mga tagna sa Bibliya, sa lainlaing bahin sa bunga sa espiritu sa Diyos, sa misyonaryong mga panaw ni apostol Pablo, o sa kalalangan ni Jehova. Kon naa kay nahunahunaang pangutana bahin sa Bibliya, isulat ug i-research kana sa imong sunod nga pagtuon.

• Asa ko makakuhag impormasyon? Tan-awa ang video nga Mga Research Tool nga Magamit sa Pagpangitag Espirituwal nga mga Bahandi. Aron masulayan ang imong kahanas, i-research kon unsang gahom sa kalibotan ang girepresentahan sa mga mananap sa Daniel kapitulo 7.

• Unsa ka dugay ko angayng magtuon? Ang regular nga pagtuon importante aron molig-on ang imong espirituwalidad. Sa primero, puwedeng dili ra kaayo dugay ang imong pagtuon. Dayon anam-anam nga patas-i ang imong pagtuon. Ang pagtuon sa Pulong sa Diyos samag pagpangitag natagong bahandi; kon mas daghan kag makit-ang bahandi, mas gusto kang mangita pag dugang! (Pr 2:3-6) Unya, mas ganahan na kang magtuon sa Pulong sa Diyos, ug mahimo na nimong rutina ang regular nga pagtuon sa Bibliya.​—1Pe 2:2.

UNSAY GIREPRESENTAHAN SA MGA MANANAP SA DANIEL KAPITULO 7?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

DUGANG PANGUTANA:

Sa unsang paagi natuman ang Daniel 7:8, 24?

I-RESEARCH SA SUNOD:

Unsay girepresentahan sa mga mananap sa Pinadayag kapitulo 13?