Sunda Pag-ayo si Kristo

Si Jesus naghatag ug panig-ingnan aron atong sundogon, ilabina dihang makaatubang tag mga kalisdanan o paglutos. (1Pe 2:21-23) Dihang giinsulto si Jesus, wala siya mobalos, bisan pag gipaantos. (Mar 15:29-32) Nganong nakalahutay siya? Kay determinado siyang buhaton ang kabubut-on ni Jehova. (Ju 6:38) Nagpokus sab siya sa “kalipay nga gibutang sa iyang atubangan.”​—Heb 12:2.

Unsay atong reaksiyon dihang dili maayo ang pagtratar kanato tungod sa atong pagtuo? Ang tinuod nga mga Kristohanon dili ‘mobalos ug daotan tungod sa daotan.’ (Rom 12:14, 17) Dihang atong sundogon si Kristo sa paglahutay sa mga kalisdanan, magmalipayon ta kay nabatonan nato ang pag-uyon sa Diyos.​—Mat 5:10-12; 1Pe 4:12-14.

TAN-AWA ANG VIDEO NGA ANG NGALAN NI JEHOVA MAOY PINAKAIMPORTANTE, UG DAYON TUBAGA ANG MOSUNOD NGA MGA PANGUTANA:

• Sa unsang paagi maalamong gigamit ni Sister Pötzingera ang iyang panahon samtang gipriso siya?

• Unsang mga kalisdanan ang nalahutay ni Brader ug Sister Pötzinger diha sa lainlaing prisohan?

• Nganong nakalahutay sila?