Gugma ang Ilhanan sa Tinuod nga Kristohanon​—Isalikway ang Kahakog ug Kasuko

KON NGANONG IMPORTANTE: Si Jesus nagtudlo nga gugma ang ilhanan sa iyang mga sumusunod. (Ju 13:34, 35) Aron mapakita ang samag-Kristo nga gugma, angay natong hunahunaon ang kaayohan sa uban ug likayan nga masuko nila.​—1Co 13:5.

KON UNSAON KINI PAGHIMO:

• Dihang may makasultig sakit o makahimog dili maayo, hunahunaa una kon unsay hinungdan sa problema ug kon unsa unyay resulta sa imong reaksiyon.​—Pr 19:11

• Hinumdomi nga kitang tanan dili hingpit, ug usahay makasulti o makahimo tag mga butang nga atong mahayan sa ulahi

• Husaya dayon ang mga dili pagsinabtanay

TAN-AWA ANG VIDEO NGA “MAGHIGUGMAAY KAMO SA USAG USA”​—ISALIKWAY ANG KAHAKOG UG KASUKO, UG DAYON TUBAGA ANG MOSUNOD NGA MGA PANGUTANA:

• Unsay reaksiyon ni Larry sa sugyot ni Tom?

• Sa unsang paagi ang pagpamalandong nakatabang kang Tom nga dili magpadala sa kasuko?

• Nganong ang kalmadong tubag ni Tom nakawala sa tensiyonadong situwasyon?