Unsay Imong Makat-onan sa Dugay Nang mga Alagad ni Jehova?

Sa atong kongregasyon, naa tay mga igsoon nga dugay nang nag-alagad kang Jehova. Makakat-on ta sa ilang lig-ong pagsalig kang Jehova. Puwede tang mangutana nila bahin sa kasaysayan sa organisasyon ni Jehova, sa mga kalisdanan nga ilang naatubang, ug kon giunsa sila pagtabang ni Jehova. Puwede natong imbitahon ang usa nila sa atong pamilyahanong pagsimba ug mangutana sa iyang mga eksperyensiya.

Kon dugay na kang alagad ni Jehova, ipaambit ang imong mga eksperyensiya sa mga batan-on. Gisulti ni Jacob ug Jose ang ilang mga eksperyensiya ngadto sa ilang mga kaliwat. (Gen 48:21, 22; 50:24, 25) Sa ulahi, si Jehova nagsugo sa mga ulo sa pamilya nga tudloan ang ilang mga anak bahin sa iyang gamhanang mga buhat. (Deu 4:9, 10; Sal 78:4-7) Karon, ang mga ginikanan ug ang uban diha sa kongregasyon makapaambit sa mga kabataan bahin sa nindot nga mga butang nga nalampos ni Jehova pinaagi sa iyang organisasyon.

TAN-AWA ANG VIDEO NGA MAGKAHIUSA PANAHON SA PAGSULAY, DAYON TUBAGA ANG MOSUNOD NGA MGA PANGUTANA:

• Sa unsang paagi ang sangang buhatan sa Austria nagtabang sa mga igsoon sa ubang nasod diin gidili ang atong buluhaton?

• Unsay gihimo sa mga igsoon niining mga nasora aron magpabiling lig-on ang ilang pagtuo?

• Nganong daghang magmamantala sa Romania ang mibulag sa organisasyon ni Jehova, ug sa unsang paagi sila nakabalik?

• Sa unsang paagi nalig-on ang imong pagtuo niini nga mga eksperyensiya?