Kon Unsaon Paggamit ang mga Sampol nga Pagpakig-estorya

Sukad niadtong Enero 2018, naa nay mga sampol nga pagpakig-estorya diha sa hapin sa Atong Kristohanong Kinabuhi ug Ministeryo​—Workbook sa Tigom. Unsaon nato kini paggamit?

Dihang Maghatag ug Bahin: Kinahanglang gamiton nimo ang pangutana, teksto, ug ang “hisgotan sa sunod” gikan sa sampol nga pagpakig-estorya. Pero wala kana magpasabot nga sundogon nimo pulong por pulong ang giingon diha sa video sa sampol nga pagpakig-estorya. Puwede kang mogamit ug lahi nga setting, introduksiyon, pangatarongan, ug uban pa. Puwede sab kang motanyag ug publikasyon nga naa sa Teaching Toolbox, bisan pag wala kini hisgoti diha sa instruksiyon sa imong bahin.

Sa Ministeryo: Ang mga sampol nga pagpakig-estorya makahatag nimog nindot nga mga ideya. Kon ang tawo interesado ug gustong mahibalog dugang, puwede nimong ipadayon ang panaghisgot gamit ang impormasyon diha sa sampol nga pagbalikduaw. Puwede nimong i-adjust ang mga sampol nga pagpakig-estorya o kaha maghimo kag kaugalingong presentasyon. Ang topiko ba sa miaging bulan o ang laing teksto mas makapainteres sa inyong teritoryo? Ang mga tawo ba sa inyong teritoryo mas interesado sa bag-o o lokal nga mga balita? Dihang imong gamiton ang mga sampol nga pagpakig-estorya sa lainlaing paagi, hinumdomi nga ang imong tumong mao ang ‘paghimo sa tanang butang tungod sa maayong balita, aron ikapaambit kini ngadto sa uban.’​—1Co 9:22, 23.