Pagpauswag Sa Atong Kahanas Sa Ministeryo​—Pagsangyaw Pinaagig Camera o Intercom

KON NGANONG IMPORTANTE: Tungod sa pag-uswag sa teknolohiya ug pagdagsang sa krimen, daghang balay ang dunay mga security camera ug intercom. Lagmit kulbaan ta o mahadlok sa pagsangyaw sa maayong balita ngadto sa mga tawo nga dili nato makita pero nakakita nato. Ang mosunod nga mga pahinumdom makatabang nato nga komportableng mosangyaw pinaagig camera o intercom.

KON UNSAON PAGHIMO:

• Magmapositibo. Daghang tagbalay nga dunay security camera o intercom ang andam makig-estorya nato

• Hinumdomi nga ang ubang camera nagsugod nag rekord bisag wala pa nato pindota ang door bell, ug lagmit ang tagbalay nagtan-aw ug naminaw na kanato pagsulod pa lang nato sa ilang propidad

• Dihang motubag ang tagbalay, sulti sa intercom o camera nga samag nakig-estorya ka niya sa personal. Pahiyom ug pagkompas sa natural nga paagi. Sangyawi ang tagbalay nga morag naa ra siya sa imong atubangan. Kon naay camera, ayawg ipaduol pag-ayo ang imong nawong. Kon dili motubag ang tagbalay, ayaw pagbilin ug mensahe

• Human sa panag-estoryahay, hinumdomi nga ang tagbalay lagmit nag-obserbar gihapon o naminaw nimo