Iilustrar ang Importanteng mga Punto

Dihang mobalikduaw o magdumalag pagtuon sa Bibliya, tabangan nato ang mga tawo nga makasabot sa pangunang mga punto. Pinaagi sa pag-ilustrar niini nga mga punto, matandog nato ang ilang kasingkasing ug mas dali nilang mahinumdoman ang mga punto.

Dihang mangandam ka sa pagbalikduaw o pagdumalag Bible study, pilia ang importanteng mga punto nga gusto nimong iilustrar, dili ang gagmayng detalye. Dayon pagpilig simpleng mga ilustrasyon base sa adlaw-adlawng pagkinabuhi. (Mat 5:14-16; Mar 2:21; Luc 14:7-11) Konsideraha sab ang kultura o relihiyon ug ang kalihokan sa imong kaestorya. (Luc 5:2-11; Ju 4:7-15) Dihang makita nimo nga nalipay siya kay nakasabot siya sa punto, seguradong malipay sab ka.

TAN-AWA ANG VIDEO NGA BATIA ANG KALIPAY SA PAGHIMOG TINUN-AN—PAUSWAGA ANG IMONG MGA KAHANAS—IILUSTRAR ANG IMPORTANTENG MGA PUNTO, UG TUBAGA ANG MOSUNOD NGA MGA PANGUTANA:

• 

  Nganong nagkinahanglag tabang ang mga Bible study aron masabtan ang mga teksto sa Bibliya?

• 

  Giunsa pag-ilustrar ni Neeta ang kamatuoran nga naa sa Roma 5:12?

• 

  Kon mogamit tag maayong mga ilustrasyon, unsay epekto niana sa mamiminaw?

• Sa atong pagministeryo, nganong angay natong gamiton ang mga video ug ubang tool sa pagpanudlo nga gitagana sa organisasyon ni Jehova?