Mga Batan-on—Pakig-estorya sa Inyong Ginikanan

Nganong angay nimong isulti sa imong ginikanan kon unsay naa sa imong hunahuna? (Pr 23:26) Kay gihatagan silag responsibilidad ni Jehova sa pag-atiman ug paggiya nimo. (Sal 127:3, 4) Dili ka nila matabangan kon dili nimo isulti kanila ang imong mga problema ug gikabalak-an. Dugang pa, dili ka makakat-on sa ilang mga eksperyensiya sa kinabuhi. Sayop ba kon naa kay dili isulti nila? Dili ra man—kana kon wala ka manglimbong nila.—Pr 3:32.

Unsaon nimo pagpakig-estorya sa imong ginikanan? Pagpilig panahon nga maayo para nimo ug sa imong ginikanan. Kon lisod nang himoon, puwede kang mohimog sulat sa usa nila aron isulti ang imong gibati. Komosta kon gusto nilang estoryahan ang usa ka topiko nga dili nimo gustong hisgotan? Hinumdomi nga gusto ka nilang tabangan. Isipa nga dapig sila nimo, dili mga kaaway. Kon maningkamot ka nga makig-estorya sa imong ginikanan, makabenepisyo ka dili lang karon, kondili sa tibuok nimong kinabuhi—kinabuhi nga walay kataposan!—Pr 4:10-12.

TAN-AWA ANG VIDEO NGA NIADTONG TIN-EDYER PA KO—UNSAON NAKO PAGPAKIG-ESTORYA SA AKONG GINIKANAN? DAYON TUBAGA ANG MOSUNOD NGA MGA PANGUTANA:

• 

  Unsay naamgohan ni Esther ug Partik sa ilang kaugalingon?

• 

  Unsay imong makat-onan sa ehemplo ni Jesus?

• 

  Giunsa pagpakita sa imong ginikanan nga gimahal ka nila?

• 

  Unsang mga prinsipyo sa Bibliya ang makatabang nimo sa pagpakig-estorya sa imong ginikanan?