Tulo ka Paagi sa Pagsalig Kang Jehova

Napildi ni David si Goliat kay misalig siya kang Jehova. (1Sa 17:45) Gustong ipakita ni Jehova ang iyang gahom para sa tanan niyang alagad. (2Cr 16:9) Unsaon nato pagpakita nga misalig ta kang Jehova ug dili sa atong kaugalingong eksperyensiya ug abilidad? Niay tulo ka paagi:

• Pag-ampo kanunay. Pag-ampo dili lang aron mangayog pasaylo sa nahimong sayop kondili aron mangayo sab ug kusog dihang mag-atubang ug tentasyon. (Mat 6:12, 13) Pag-ampo dili lang aron panalanginan ni Jehova ang imong nahimong mga desisyon, kondili mag-ampo sab alang sa giya ug kaalam sa dili pa mohimog desisyon.—San 1:5

• Paghimog regular nga eskedyul sa pagbasa ug pagtuon sa Bibliya. Basaha ang Bibliya kada adlaw. (Sal 1:2) Palandonga ang mga pananglitan diha sa Bibliya, ug ipadapat ang mga leksiyon nga imong nakat-onan. (San 1:23-25) Pangandam alang sa ministeryo imbes magsalig sa personal nga kasinatian. Aron makabenepisyo pag-ayo sa mga tigom, tun-i daan ang materyal nga konsiderahon

• Sunda ang instruksiyon sa organisasyon ni Jehova. Magmaalisto sa kinabag-ohang direksiyon sa organisasyon ug sunda dayon kini. (Num 9:17) Pamati sa mga ansiyano dihang mohatag silag tambag ug instruksiyon.—Heb 13:17

TAN-AWA ANG VIDEO NGA WALAY RASON NGA MAHADLOK SA PAGLUTOS, DAYON TUBAGA ANG MOSUNOD NGA MGA PANGUTANA:

• Nganong nahadlok ang mga igsoon?

• Unsay nakatabang nga mawala ang ilang kahadlok?