Kaminyoon​—Tibuok Kinabuhing Panag-ubanay

Ang mga Kristohanon nga nagmalamposon sa ilang kaminyoon makahatag ug kadayeganan kang Jehova ug makapalipay sa bana ug asawa. (Mar 10:9) Aron mahimong lig-on ug malipayon ang kaminyoon, kinahanglang sundon pag-ayo sa mga Kristohanon ang mga prinsipyo sa Bibliya dihang magpilig kapikas.

Panarato lang dihang “lapas na [ka] sa pagbuswak sa pagkabatan-on,” ang panahon dihang ang kusog nga seksuwal nga pagbati makapalisod sa imong paghimog maayong mga desisyon. (1Co 7:36) Samtang tagsaanon pa, gamita ang imong panahon sa pagpalig-on sa imong relasyon sa Diyos ug sa pag-ugmad ug Kristohanong mga hiyas. Nianang paagiha, mas dako kag matabang aron magmalamposon ang imong kaminyoon sa umaabot.

Sa dili pa ka mosugot nga magminyo, paggahin ug igong panahon nga mailhan pag-ayo ang imong trato, o kon unsa gyoy naa sa iyang “kasingkasing.” (1Pe 3:4) Kon naa kay mga pagduhaduha ug seryoso kana, pakig-estorya niya. Sama sa ubang relasyon sa tawo, mas importante kon unsay imong mahatag kay sa kon unsay imong madawat diha sa kaminyoon. (Flp 2:3, 4) Kon ipadapat nimo ang mga prinsipyo sa Bibliya sa dili pa ka magminyo, maayo kana nga pundasyon sa malipayong kaminyoon.

TAN-AWA ANG VIDEO NGA PAGPANGANDAM SA KAMINYOON​—BAHIN 3: ‘KUWENTAHA ANG GASTO,’ DAYON TUBAGA ANG MOSUNOD NGA MGA PANGUTANA:

• Sa primero, unsay kahimtang sa relasyon sa sister ug ni Shane?

• Unsay namatikdan sa sister paglabay sa panahon?

• Sa unsang paagi gitabangan siya sa iyang mga ginikanan, ug unsang maalamong desisyon ang iyang gihimo?