KRISTOHANONG PAGKINABUHI
Palig-ona ang Imong Pagtuo sa Pulong sa Diyos
Ang Pulong sa Diyos makabag-o sa atong kinabuhi. (Heb 4:12) Pero aron makabenepisyo ta sa giya, instruksiyon, ug tambag niini, kinahanglang kombinsido ta nga kini “pulong sa Diyos.” (1Te 2:13) Unsaon nato pagpalig-on ang atong pagtuo sa Bibliya?
Pagbasag usa ka bahin sa Bibliya kada adlaw. Samtang magbasa ka, pangitag ebidensiya nga si Jehova ang Awtor niini. Pananglitan, tun-i ang mga tambag sa basahon sa Proverbio ug matikdi kon sa unsang paagi ang kaalam niini mapadapat gihapon karon.—Pr 13:20; 14:30.
Paghimog study project. Tun-i ang mga ebidensiya nga ang Bibliya Pulong sa Diyos. Sa Giya sa Pagpanukiduki Para sa mga Saksi ni Jehova, pangitaa ang topiko nga “Ang Bibliya” ug dayon “Inspirado sa Diyos.” Mapalig-on sab nimo ang imong pagsalig nga wala mausab ang mensahe sa Bibliya kon imong tun-an ang impormasyon sa Apendise A3 sa Bag-ong Kalibotang Hubad.
TAN-AWA ANG VIDEO NGA KON NGANONG DUNA TAY PAGTUO SA . . . PULONG SA DIYOS, DAYON TUBAGA ANG MOSUNOD NGA MGA PANGUTANA:
Nganong ang nadiskobrehan sa paril sa templo sa Karnak, Egypt, nagpakita nga tinuod ang nasulat sa Pulong sa Diyos?
Giunsa nato pagkahibalo nga wala mausab ang mensahe sa Bibliya?
Sa unsang paagi ang paglungtad sa Bibliya hangtod karon nagpamatuod nga kini Pulong sa Diyos?—Basaha ang Isaias 40:8