KRISTOHANONG PAGKINABUHI
Mga Ginikanan—Tabangi ang Inyong mga Anak nga Makabaton ug Kaalam nga Gikan sa Diyos
Ang usa sa pinakamaayong paagi nga matabangan sa mga ginikanan ang ilang mga anak nga makabaton ug kaalam nga gikan sa Diyos maoy pinaagi sa pagtabang kanila nga makabenepisyo sa Kristohanong mga tigom. Ang makita ug madungog sa mga bata ingon man ang ilang mga komento diha sa tigom makatabang kanila sa pagkat-on bahin kang Jehova ug mahimong iyang suod nga higala. (Deu 31:12, 13) Kon ikaw usa ka ginikanan, unsaon nimo pagtabang ang imong anak aron makabenepisyo siya pag-ayo sa mga tigom?
Paningkamoti nga makatambong sa tigom in person.—Sal 22:22
Paneguroa nga makagahin mog panahon sa pagpakig-estorya sa mga igsoon diha sa Kingdom Hall una pa o human sa tigom.—Heb 10:25
Paneguroa nga ang matag membro sa pamilya naay kopya sa mga publikasyon nga gamiton sa tigom, digital man o inimprenta
Tabangi ang imong anak sa pag-andam ug komento sa kaugalingon niyang pulong.—Mat 21:15, 16
Pagsulti ug positibong mga butang bahin sa tigom ug sa instruksiyon nga atong madawat gikan niini
Tabangi ang imong mga anak nga makaapil sa mga kalihokan nga sama sa pagpanghinlo sa Kingdom Hall ug pagpakig-estorya sa edarang mga igsoon sa kongregasyon
Ang pagtabang sa inyong mga anak nga masuod kang Jehova nagkinahanglag paningkamot, ug lagmit dili ni kanunayng sayon. Pero seguradong tabangan mo ni Jehova.—Isa 40:29.
TAN-AWA ANG VIDEO NGA MGA GINIKANAN, SALIG KANG JEHOVA UG SA IYANG KUSOG, UG DAYON TUBAGA ANG MOSUNOD NGA MGA PANGUTANA:
Unsay epekto sa sobrang kakapoy kang Zack ug Leah?
Nganong ang mga ginikanan angayng mangayog kusog kang Jehova?
Sa unsang mga paagi si Zack ug Leah misalig sa tabang ni Jehova?