Ilang Nakaplagan ang “Perlas nga Maayo Kaayog Klase”

Si Jesus nagtudlo nga sulbaron sa Gingharian sa Diyos ang tanang problema sa mga tawo. (Mateo 6:10) Sa Mateo 13:44-46, migamit siyag duha ka ilustrasyon aron ipakita ang bili sa kamatuoran bahin sa Gingharian sa Diyos:

• Dunay tawo nga nagtrabaho sa uma, ug nakakalot siyag bahandi nga gilubong.

• Ang usa ka negosyante nangitag maayong klase nga mga perlas, ug nakakita siyag usa ka perlas nga maayo kaayog klase.

Silang duha malipayong nagbaligya sa tanan nilang kabtangan aron mabatonan ang bahandi nga ilang nakaplagan. Sila nagrepresentar sa mga tawo nga nagpabili pag-ayo sa Gingharian maong mihimo silag dagkong mga sakripisyo aron mabatonan ang mga panalangin sa Gingharian. (Lucas 18:29, 30) Niini nga video, tan-awa ang estorya bahin sa duha ka tawo nga parehas sa duha ka lalaki sa ilustrasyon ni Jesus.