Ang Dugos Tambal

Usa ka sulat ngadto sa editor sa JAMA (The Journal of the American Medical Association) gikan ni Dr. Robert Blomfield sa Chelsea, London, sa Britanikong Kapupud-an, mipahayag niining talagsaong taho mahitungod sa dugos: “Ako nagagamit sa lunsay nga kinaiyanhong dugos sulod sa milabay nga pila ka bulan diha sa mga departamento sa aksidente ug emerhensiya diin ako nagatrabaho, ug akong nadiskobrehang, kon ipahid matag duha o tulo ka adlaw ilalom sa uga nga bendahe, kini mopadali sa pagkaayo sa mga hubag ug mga paso nga mas maayo kay sa ubang lokal nga pahid nga akong nagamit sukad.”

Si Dr. Blomfield mipadayon nga “kini dali usab ikapahid sa bisan unsang mga samad sa ibabaw, apil ang mga nahiwa ug pangos, ug ikarekomendar ko kini sa tanang doktor ingong barato kaayo ug bililhong panglimpiyo ug makapaalim nga tambal. Kini lamian pa!”