Publikong mga Tunghaan sa New York City Alang sa mga Homoseksuwal

‘Ang unang publikong tunghaan sa Tinipong Bansa alang sa mga homoseksuwal,’ mitaho ang The New York Times sa Hunyo 6. Nagsugod ang klase sa miaging Abril sa simbahan sa Greenwich Village, nga adunay 20 ka estudyanteng nagpalista—14 ka lalaki ug 6 ka babaye—ang tanan mga homoseksuwal. Lakip sa kurikulum mao ang mga materyal nga ilabinang kaikagan sa mga homoseksuwal ug mga tumong sa pagtudlo sa mga estudyante nga “mahimong komportable sa ilang kaugalingong homoseksuwalidad.” Si Fred Goldhaber, usa ka magtutudlo sa tunghaan ug homoseksuwal, miingon: “Nagtinguha kami ug palibot diin ang mga batang bayot ug tomboy dili maimpluwensiyahan sa dili hamtong nga mga tin-edyer.”

Tingali kining tunghaana mopabati “kanilang komportable sa ilang kaugalingong homoseksuwalidad,” apan ang Pulong sa Diyos nag-ingon nga ang “mga homoseksuwal—walay bahin sa iyang gingharian.” Kining tunghaana maoy laing ebidensiya sa pagkadunot sa moral nga gitagna sa kataposang mga adlaw.—1 Corinto 6:9, 10, The Living Bible; 2 Timoteo 3:1-5.