Gikan sa Among mga Magbabasa

Tam-is nga Mesquite

Kon dili pa tungod sa “Ang Mesquite . . . ” (Hulyo 22, 1988), dili gayod unta nako himatikdan kana sa lokal nga tindahan ug tunong masayloan nako kining talagsaon lamiang pagkaon. Ako mouyon nga ang dugos sa mesquite dili isog ug sa samang panahon lamian kaayo. Dako kaayo ang akong pasalamat sa atong Maglalalang tungod niining talagsaon tanom ug sa kadaiya nga iyang ginahatag kanato! Daghang salamat.

S. B., Pederal na Republika sa Alemanya

AIDS

Ingong usa ka doktor, ako mouyon gayod sa mga gipamulong sa inyong magasin bahin sa AIDS (Oktubre 8, 1988). Ako ang magtutukod sa Walay-Dugo Surhikal ug Medikal nga Sentro. Sanglit gitagana namo ang serbisyong walay riyesgo sa AIDS, kining mga artikuloha mapuslanon kaayo kanako, sa akong mga trabahante, ug sa akong mga pasyente. Palihog padad-i akog usa ka gatos ka magasin kay buot nakong makadawat ang tanan nakong kauban sa usa ka kopya.

F. G., Medikal Direktor sa O.R., Tinipong Bansa

Usa lamang ka kard sa pasalamat​—alang sa siyentipikanhon kaayong mga artikulo bahin sa AIDS diha sa Awake! nga akong nakaplagan sa dalan, nga lapokon ug hugaw. Wala pa ako sa nangagi makabaton ug daghan kaayong impormasyon bahin sa AIDS ug ang pagkakaylap niini gikan sa bisan kinsa sa nangagi. Bag-o pa akong nakabatog duha ka abuno sa dugo ug nagalaom nga ako walay AIDS nga “nahikatulog” sa usa ka dapit diha sa mga tisyu o mga selula.

G. T., Tinipong Bansa

Ang artikulo makaiikag kaayo sa pagpahayag sa labing diyutay (ug kana bisan pa sa daghan kaayong nadungog/nabasa na bahin sa ulohan). Hinuon may usa ka komento. Gipasabot nga kon dawaton nato “ang mga sukdanan sa Maglalalang sa tawhanong kagawian,” kita mahigawas gayod sa virus sa AIDS. Bisan pa niana, sa usa ka programa sa balita, gipahayag nga kon igo ang dasok sa katawhan ug gidaghanan sa mga tawong nagdala sa virus sa AIDS, “lagmit” ang AIDS nga ipasa sa lamok. Busa, ang pagdahom sa pila ka indibiduwal nga magpabiling libre sa sakit nga kaylap sa tawhanong katilingban alirong nila basin DILI makataronganon. Sa kataposan, ang bugtong paagi nga bug-os mahimong luwas sa AIDS mao nga ang TANAN modawat ug mosunod sa “mga sukdanan sa Maglalalang.”

D. B. S., Tinipong Bansa

Uyon kami kang D.B.S. Dili namo tuyo ang pagpasabot nga ang mga sukdanan sa Diyos bug-os magpahigawas sa usa gikan sa AIDS karon. Kami nagaingon nga ang maong kagawian mao ang labing maayong paagi sa paglikay niana.​—ED.

Kaisog sa Pag-atubang sa mga Kakulian

Ang akong amahan nakigbisog sa sakit Parkinson’s sulod sa 20 anyos. Ang “Pagkinabuhing May Sakit Parkinson’s (Enero 8, 1988) mihatag ug dakong pagdasig. Nagkadaot ang iyang katakos sa paglakaw. Siya nagabuhat sa mga butang sama sa pag-abante sa hinanali, nga mag-unang ulo, nganha sa mga bildong bungbong. Pila ka bulan nga miagi, naugmad niya ang negatibong tinamdan bahin sa pagkinabuhi, apan ang taho sa Pagmata! mihatag kaniyag kaisog nga nakulang niya.

T. N., Hapon

Sa pagbasa nako sa “Ang Lawas​—Kahibulongang Pagkabuhat . . . ” (Hunyo 8, 1988), kinahanglang pasalamatan ko gayod kamo. Ako baldado sa tuo kong kamot ug batiis tungod sa cerebral infantile paralysis, ug gipamalandong ko kini ug gigamit kining akong hinungdan nga maluya kaayo. Hinuon, bation ko usahay nga maglisod, apan sukad karon, inay nga maluya kaayo ako, gusto kong usbon ang akong panghunahuna ug magpahayag sa pasalamat sa Usa nga naglalang kanako.

T. T., Hapon