Usa ka Buhing Lobo nga Kuwelyo?

Ako mihunong sa akong paglakaw sa dakong dalan sa mga tindahan sa Cheltenham, Inglaterra. Gilamat ba ako? Kadto bang bayhana may kuwelyo nga lobo? Tinuod ba kadtong buhing lobo?

Ang akong dobleng paglantaw makataronganon. Didto siya, atubangan sa usa ka puwesto sa bulak, nga mabugnawon sama sa pepino, nagbaliog sa usa ka tinuod buhing lobo! Kay gidaog sa kamausisaon, gisukna ko siya sa unsang paagi napaaghop niya ang balhiboong linalang nga mahimong hilom kaayo ug kalmado sa usa ka puliking kalye uban sa mga tawo ug sa sakyanan nga nahadiindiin. Misaysay siya nga usa ka adlaw nadakpan sa iyang iro ang maong itoy nga lobo. Kana iyang gisagop ug gigalam, ug kana nahimong binuhi sa pamilya. Wala ako makapugong sa higayon nga moletrato.

Apan kadto nakapahunahuna usab kanako nga ang kadaghanang tawo nangandoy nga makabatog relasyong may harmoniya uban sa mga hayop. Ug sumala sa tagna sa Bibliya, kanang adlawa moabot sa dihang “ang lobo mopuyo uban sa mga karnero, ug ang leopardo mohigda uban sa nating kanding; ang baka ug ang nating leyon managkauban sa pagtubo, ug ang usa ka batang gamay maoy magamando kanila.”—Isaias 11:6, The New English Bible—Tinampo.