Gikan sa Among mga Magbabasa

Pagpanugal Nalit-agan ako sa pagpanugal sa edad 23. Nahimong miserable ang akong kinabuhi niini sa daghang katuigan. Daw walay makatabang kanako sa paghunong. Apan, nakahigayon akog basa sa inyong magasin. (Septiyembre 8, 1987) Kini nakatabang nako sa paghunong sa hugaw nga batasan. Salamat kaninyo.

T. M. E., Zambia

Mga Batang Ahat Nakulong ako sa balay, nagaatiman sa akong inahan, kinsa dili pa dugay nga na-stroke. Busa, dili kaayo ako makagawas sa pultahan-ug-pultahan nga buluhaton sa pagsangyaw. Apan, akong gipakig-ambit ang Pebrero 22, 1989, nga gula diha sa usa ka nars nga tigduaw. Dako kaayo ang iyang pasalamat kanako alang niadto. Siya nagtrabaho sa neonatal unit ug iyang gipabasa ang mga artikulo uban sa tulo o upat sa iyang kaubang mga trabahante. Silang tanan naikag kaayo niini. Ang usa kanila miingon, “Kini mao ang pipila sa mga suliran nga atong ginaatubang, apan wala pa gayod ako sukad nakakita niini nga giprinta.”

V. G., Tinipong Bansa

Samang-Sekso nga mga Kaibog Ako 14 anyos ang edad ug gibati nako ang akong kaugalingon nga naibog sa mga tawo sa samang sekso. Gihunahuna nako ang akong kaugalingon nga abnormal ug nga wala nay lain pa nga aduna niini nga suliran. Ang artikulo sa (Abril 8, 1989) nakatabang nako sa pagtan-aw nga ang ubang mga batan-on sama usab ug kahimtang ug nagtudlo kon unsang mga lakang ang himoon aron malikayan ang homoseksuwalidad.

H. M., Austria

Sa dihang otso o nuybe anyos pa ako, nakahimo akog seksuwal nga relasyon uban sa akong labing suod nga higala. Niadtong higayona nagtuo ako nga kadto dili-makadaot. Apan sa nagkaedaran ako, akong nakita kon unsa ka daotan ug makauulaw kadto, ug gibati ko pag-ayo ang akong pagkasad-an. Mapasalamaton kaayo ako nga kining ulohana gihisgotan. Kadto nakatabang sa paghupay sa daghan dumalayong pagbati sa pagkasad-an sa pagkahibalo nga si “Jehova nagapasaylo sa dako gayod.” Magpadayon ako sa pagpugong sa akong kaugalingon.

E. G., Tinipong Bansa

AIDS Diha sa inyong Marso 8, 1989, nga gula, inyong gipatik ang usa ka sulat gikan sa usa ka magbabasa nga nagsugyot sa posibilidad sa “pinasa-sa-lamok nga AIDS.” Wala supaka sa inyong editoryal nga komento kining mga pulonga. Apan, ang kaylap nga pagkaapod-apod nga brosyur sa siruhano heneral sa T.B. nag-ingon, “Dili ka matakdan sa AIDS pinaagi sa paak sa lamok . . . o bisan sa ubang mga insekto.” Ang ubang mga magbabasa nianang gula sa Pagmata! malagmit nangahadlok sa walay-hinungdan sa mga lamok ingong mga tigdalag AIDS.

P. G., Tinipong Bansa

Ang kadaghanang mga tigdukiduki sa AIDS nagkauyon nga posible ang lamok makadalag virus pinaagi sa pagsupsop sa dugo gikan sa usa ka natakbang biktima. Apan, walay ebidensiya nga ang virus sa AIDS modaghan diha sa insekto, sama sa yellow fever ug sa ubang mga virus nga ginadala sa insekto. Busa, ang lamok mopatim-aw nga dili-makaarang sa pagpasa sa AIDS. Bisan pa, nga ang maong suliran wala pa gayod mahusay gipakita sa usa ka taho diha sa “Science” nga magasin (Hulyo 1987), nga diin nangutana: “Ang virus sa AIDS mapasa ba pinaagig insekto? Ang tubag nakita nga daw dili apan dili bug-os pinabundak nga dili. Ang mga siyentipiko gusto nga ang ganghaan sa posibilidad bukas ug diyutay. Apan sila nagainsister nga kon ang pagpasa sa insekto sa sakit maoy usa ka butang sa pagkaylap sa AIDS, kini dako gayod nga butang.”—ED.

Depresyon Ako karon 20 anyos na, ug gusto lang akong magpasalamat sa inyong mga artikulo. (Oktubre 22, 1987) Nakaagi ako ug malisod nga mga panahon, ug ang mga artikulo nakatabang kanako ug dako.

C. W., Tinipong Bansa

Panagtratohay Ang inyong artikulo (Pebrero 22, 1989) nakapasilsil diha sa akong hunahuna sa kaseryoso ug sa responsabilidad sa panagtratohay. Ako karon dunay trato, ug naglaom ako nga matapos kini sa usa ka malamposon nga kaminyoon.

G. V., Mexico