Panid Dos

Pagmatuto ug Responsableng mga Anak

Samtang magtan-aw ang mga ginikanan sa ilang pinalanggang masuso, tingali maglisod sila pagdawat nga sa ngadtongadto kanang gamayng bata modako ug dayon mobiya sa ilang poder. Ug mao gyod kanay mahitabo, kay ang Bibliya nag-ingon nga “ang lalaki mobiya sa iyang amahan ug sa iyang inahan.” (Genesis 2:24) Ingon usab niana ang mahitabo sa anak nga babaye.

Apan, sa dihang moabot na kanang adlawa, daghang ginikanan mabalaka. Sila maghunahuna, ‘Husto kaha ang among pagmatuto sa among anak? Makatener kaha siyag trabaho, makabayad ug abang sa puy-anan, ug makamaong mobadyet?’ Labaw sa tanan, ‘Ipadapat kaha sa among anak ang mga prinsipyo nga among gitudlo kaniya?’—Proverbio 22:6; 2 Timoteo 3:15.

Hisgotan niining espesyal nga gula sa Pagmata! kon sa unsang paagi ang tambag sa Bibliya makatabang sa mga ginikanan sa pagmatuto sa ilang mga anak sa matag yugto sa ilang pagdako.