PAGPANIID SA KALIBOTAN

Kalibotan

Ang pagwagtang sa kagutom dili lang basta pagtaganag igong pagkaon. Gibanabana nga ang abot sa mga mag-uuma karon igong makapakaon ug 12 bilyones ka tawo, nga labaw ug 5 bilyones kay sa populasyon karon. Ang problema kon nganong daghan ang gigutom maoy tungod kay ang kuwarta nihit, ang pagkaon mausik, ug ang suplay sa pagkaon dili makaabot ngadto sa nanginahanglan.

Britain ug United States

Mga 24 porsiyento sa gisurbi nga mga propesyonal nga nagtrabaho sa mga kompaniya nga nalangkit sa panalapi nag-ingon nga sila “posibleng mohimog ilegal o kuwestiyonableng buhat aron moasenso.” Desisayis porsiyento miadmitir nga mohimo silag ilegal nga mga buhat “kon dili sila masakpan.”

Argentina

Sa Argentina, 3 sa matag 5 ka titser mo-file ug bakasyon tungod sa tensiyon o kapintasan diha sa eskuylahan.

South Korea

Sa dili madugay komon na unya sa South Korea nga ang mga tawo mag-inusara sa pagpuyo.

China

Gibanabana nga 2/3 sa mga siyudad sa China dili makakab-ot sa bag-ong sukdanan sa gobyerno maylabot sa kahinlo sa hangin nga ipatuman sa 2016. Gawas pa, ang sampol sa tubig gikan sa ilalom sa yuta gigradohan nga “hugaw o hugaw kaayo.”