Pagkatawo ni Jesus Ngadto sa Iyang Kamatayon

Ang manulundang Gabriel gipadala ngadto sa usa ka batan-ong babaye nga ginganlan si Maria. Gisultihan niya nga manganak siya sa usa ka bata nga mohari sa walay kataposan. Ang bata, si Jesus, natawo sa kuwadra. Siya giduaw sa mga magbalantay, ug sa ulahi sa mga tawo gikan sa Silangan. Unya si Jesus naluwas sa mga panlimbasog nga patyon siya.

Sa dihang si Jesus 12 anyos ang panuigon, makita ta siyang nakigsulti sa mga magtutudlo sa templo. Napulog walo ka tuig sa ulahi, si Jesus gibawtismohan, ug misugod sa Gingharianong pagwali ug pagpanudlong buluhaton nga niana gipadala siya sa Diyos sa yuta aron buhaton. Mipili siya ug 12 ka lalaki nga motabang ning buluhatona ug naghimo kanilang mga apostol.

Si Jesus naghimo sa daghang mga milagro. Siya gani nagbanhaw sa mga patay. Sa kataposan, kita masayod unsay nahinabo kang Jesus sa kataposang adlaw sa iyang kinabuhi, ug sa unsang paagi siya gipatay. Si Jesus nagwali dul-an sa tulo ug tunga ka tuig, busa ang BAHIN 6 nagkobreg yugto nga kapin diyotay ug 34 ka tuig.